13 kandidatë janë nominuar zyrtarisht për katër postet e larta drejtuese të OSBE-së, sipas disa diplomatëve të OSBE-së që folën në kushte anonimiteti për “Security and Human Rights Monitor”.
Ajo që vlen për tu veçuar është se në listën e kandidatëve për detyrën më të lartë në OSBE, atë të Sekretarit të Përgjithshëm është edhe ministri i Jashtëm, Igli Hasani.
13 maji shënoi afatin zyrtar të OSBE-së për të nominuar kandidatët për katër postet.
Kryesia malteze e OSBE-së shpalli kandidatët për të gjitha misionet e përhershme të OSBE-së në një qarkore të brendshme më 3 qershor.
Nga kryesia e Maltës nuk pati komente mbi emrat e kandidatëve.
Kandidatët e nominuar janë si më poshtë:
Kandidatët për Sekretar të Përgjithshëm të OSBE-së:
Jan Braathu (Norvegji) – Shef i Misionit të OSBE-së në Serbi
Igli Hasani (Shqipëri) – Ministër për Evropën dhe Punët e Jashtme të Shqipërisë
Christophe Kamp (Holandë) – Përfaqësues i Përhershëm i Holandës në OSBE
John MacGregor (Kanada) – Shef i Qendrës së OSBE-së në Ashgabat
Marcel Peško (Sllovaki) – Përfaqësues Special i Kryesuesit të OSBE-së, Koordinator i Projektit të OSBE-së në Ukrainë
Feridun Sinirlioğlu (Turqi) – Koordinator Special, Vlerësimi i Pavarur i mandatuar nga Rezoluta 2679 (2023) e Këshillit të Sigurimit të OKB-së
Kandidatët për Drejtor të Zyrës së OSBE-së për Institucione Demokratike dhe të Drejtat e Njeriut (ODIHR):
Igor Djundev (Maqedonia e Veriut) – Drejtor për Çështje Shumëpalëshe në Ministrinë e Jashtme të Maqedonisë së Veriut
Rita Izsák-Ndiaye (Hungari) – Këshilltare e Lartë për Anti-Racizmin në UNDP
Tea Jaliashvili (Gjeorgji) – Zëvendësdrejtoreshë e Parë e ODIHR
Christophe Kamp (Holandë) – Përfaqësues i Përhershëm i Holandës në OSBE
John MacGregor (Kanada) – Shef i Qendrës së OSBE-së në Ashgabat
Dunja Mijatović (Bosnje dhe Hercegovinë) – Eksperte dhe aktiviste për të drejtat e njeriut.
Maria Telalian (Greqi) – Këshilltare Ligjore e Ministrisë së Punëve të Jashtme të Greqisë dhe shefe e Departamentit Ligjor
Kandidatët për Komisionerin e Lartë të OSBE-së për Pakicat Kombëtare (KLPK):
Rita Izsák-Ndiaye (Hungari) – Këshilltare e Lartë për Anti-Racizmin në UNDP
Christophe Kamp (Holandë) – Përfaqësues i Përhershëm i Holandës në OSBE
John MacGregor (Kanada) – Shef i Qendrës së OSBE-së në Ashgabat
Ketevan Tsikhelashvili (Gjeorgji) – Përfaqësues i Përhershëm i Gjeorgjisë në OSBE dhe organizata të tjera ndërkombëtare në Vjenë
Kandidatët për Përfaqësues të OSBE-së për Lirinë e Medias (RFoM):
Jan Braathu (Norvegji) – Shef i Misionit të OSBE-së në Serbi
John MacGregor (Kanada) – Shef i Qendrës së OSBE-së në Ashgabat
Petr Mareš (Çeki) – Drejtor Ekzekutiv i Fondit Ndërkombëtar të Vishegradit në Kosovë