Një marrëdhënie që kontribuon në sistemet ushqimore dhe stabilitetin e ekosistemit në të gjithë globin mund të ndryshojë. Shumë bimë të lulëzuara mund të vetë-polenizohen, ose të transferojnë polenin midis luleve të tyre për gjenerimin dhe përhapjen e farës, por shumica e këtyre bimëve janë mbështetur te pjalmuesit si fluturat dhe bletët për t’u riprodhuar.
Një studim i ri mbi evolucionin e sistemit të çiftëzimit të një specie lulesh ka zbuluar një ndryshim të jashtëzakonshëm që mund të përkeqësojë sfidat me të cilat përballen partnerët e insekteve të bimëve. Evolucioni riprodhues i luleve mund të lidhet me ndryshimet mjedisore si shkatërrimi i habitatit dhe uljet e shpejta të vazhdueshme të biodiversitetit të pjalmuesve. Kjo sipas Samson Acoca-Pidolle, i cili drejtoi studimin.
Duke krahasuar farat e egra të lules së fushave të mbledhura dekada më parë në Francë e pasardhësit modernë të bimëve, Acoca-Pidolle dhe kolegët e tij zbuluan se lulet e sotme janë më të vogla dhe prodhojnë më pak nektar si rezultat i rritjes së vetëpjalmimit, i cili ka ndikime të drejtpërdrejta në sjelljen e pjalmuesve. Sipas studimit, lulet u vetëfekonduan më pak dhe tërhoqën shumë më shumë pjalmues sesa ato të së tashmes.
“Duket se janë vetëm tiparet që janë të përfshira në ndërveprimin e bimë-pjalmuesit që po evoluojnë,”-tha Acoca-Pidolle, një studiuese doktorature në Universitetin e Montpellier. Ndryshimet mund të kufizojnë aftësinë e bimëve për t’u përshtatur me ndryshimet e ardhshme mjedisore dhe të kenë implikime për të gjithë biodiversitetin e luleve duke zvogëluar potencialisht variacionin gjenetik, speciet dhe ekosistemit të bimëve të lulëzuara.
“Kjo mund të rrisë rënien e pjalmuesve dhe të shkaktojë një cikël vicioz reagimesh,”-tha për CNN bashkëautori i studimit Pierre-Olivier Cheptou.
Nëse bimët prodhojnë më pak nektar, do të ketë më pak ushqim në dispozicion për pjalmuesit, gjë që nga ana tjetër do të përshpejtojë shkallën me të cilën numri i kafshëve zvogëlohet. Mesazhi kryesor është se ne po shohim aktualisht ndarjen evolucionare të pjalmuesve të bimëve në natyrë.
