Metabolizmi është një faktor kyç në ruajtjen e shëndetit të përgjithshëm dhe menaxhimin e peshës. Megjithatë, faktorë të tillë, si mënyra e jetesës, dieta dhe stresi, mund të ndikojnë në metabolizëm, duke çuar potencialisht në atë që shpesh quhet metabolizëm i dëmtuar. Një shenjë e zakonshme e çekuilibrit metabolik është mungesa e urisë në mëngjes. Nëse nuk ndiheni të uritur në mëngjes, kjo mund të tregojë një metabolizëm të ngadaltë.
Metabolizmi është procesi me të cilin trupi juaj përdor ushqimin, për të krijuar energji. Çdo proces në organizëm që kërkon energji drejtohet nga metabolizmi. Nëse keni tretje të dobët, lëkurë të thatë, rënie flokësh, shtim të pashpjegueshëm në peshë ose vështirësi në humbje të kilogramëve, lodhje kronike dhe mjegull të trurit, atëherë mund të keni një metabolizëm të dëmtuar.
Përkatësisht, gjëndra tiroide është në thelb ‘mjeshtri’ i metabolizmit tuaj. Kur kjo gjëndër është e mbingarkuar dhe për këtë arsye ka funksion të dobët, gjëndrat mbiveshkore kompensojnë mungesën. Gjëndrat mbiveshkore pompojnë hormonet e stresit, pra adrenalinën dhe kortizolin. Kur një individ mendon se duhet të hajë më pak dhe të mbajë kalori sa më të ulëta të jetë e mundur, trupi kalon në modalitetin e urisë dhe e percepton këtë ndjenjë si një kërcënim.
Organizmi do t’i dërgojë të gjitha hormonet e stresit për t’ju mbrojtur. Nivelet e kortizolit rriten natyrshëm në mëngjes, kur trupi është i mbingarkuar me hormonet e stresit, të cilat mund të duken si mungesë oreksi. Ndoshta mendoni se duhet të hani më pak për të humbur peshë, por duhet të bëni të kundërtën për të rivendosur funksionin metabolik.
Meqenëse nivelet e kortizolit janë më të larta në mëngjes, nëse nuk hani, ato nivele mbeten të ngritura gjatë gjithë ditës. Mëngjesi, i konsideruar gjërësisht si vakti më i rëndësishëm i ditës, vendos ritimin për një fillim të shëndetshëm pas zgjimit nga gjumi dhe siguron ‘karburantin’ e nevojshëm për të filluar ditën. Mëngjesi rifurnizon trupin me energji pas orëve të gjumit, rregullon nivelin e glukozës dhe aktivizon metabolizmin.
