Takimi i kryeministrit Edi Rama me shqiptarët në Britaninë e Madhe në kuadër të turit të diasporës, i parashikuar që të mbahej të dielën më 2 qershor, është shtyrë.
Takimi është shtyrë për shkak të zgjedhjeve të parakohshme që do mbahen në Mbretërinë e Bashkuar. Ende nuk është caktuar një datë se kur do të zhvillohet, por burime për Report Tv thonë se mund të jetë shtyrë për në shtator.
Kryeministri Rama njëkohësisht edhe drejtues i PS-së nisi më 12 maj në Athinë takimet me emigrantët shqiptarë.
Më 26 maj, Rama u takua me bashkatdhetarët në Itali, në pallatin e sportit në ‘Busto Arsizio’ lokalitet afër qytetit të Milanos, ku morën pjesë mijëra shqiptarë. Më datë 16 qershor është parashikuar takimi me shqiptarët në Dyseldorf në gjermani.
