Nëntë ditë para zgjedhjeve parlamentare të 25 prillit, Komisioneri Shtetëror i Zgjedhjeve, Ilirjan Celibashi, bën të ditur se janë printuar dhe paketuar fletët e votimit për 6 qarqe. Eshtë fjala për Vlorën, Korçën, Beratin, Gjirokastrën, Elbasanin e Fierin.
https://twitter.com/ICelibashi/status/1382973340231606273
Pritet printimi i fletëve të votimit për 6 qarqet e tjera të vendit, ndërsa në total do të jenë 3.5 milionë fletë votimi aq sa teorikisht është numri i zgjedhësve të regjistruar. Më herët pati një vonesë nga mosgjetja e dakordësisë mes palëve për përzgjedhjen e fletës së votimit. Në një letër për KQZ-në, kompania Cetis i vuri në diskutim afatet për printimin por më pas nuk pati më diskutime dhe çështja u zgjidh.
Më 25 prill, fleta e votimit do të jetë me numra, ku 12 partitë janë të renditura si rezultat i shortit të hedhur më parë në KQZ-ja dhe logoja e secilës prej tyre qëndron në krye. Më pas vjen numri i kandidatëve dhe sipër emri i partisë apo koalicionit e kryetari i saj.
