Duket se familja Kardashian di si të tërheqë vëmendjen në një mënyrë apo një tjetër. Këtë radhë Caitlyn Jenner ka qenë ajo që ka trazuar ujrat duke kandiduar si guvernatore e Kalifornisë. Vajzat Kardashian nuk e kanë mbështetur atë aspak në këtë vendim. Por, me sa duket për herë të parë, djemtë e Caitlyn Jenner bien dakord me vajzat Kardashian.
Ata janë shprehur se ndihen të turpëruar nga e ëma për shkak të kandidimit. Ata mendojnë se e ëma e tyre nuk është e përgatitur për këtë post dhe ajo duhet të heqë dorë.
Një tjetër shkak, që me sa duket i ka revoltuar djemtë, është fakti që ajo e ka marrë këtë vendim pa i pyetur. Ajo i thirri djemtë vetëm një natë para se të shpallte publikisht vendimin e saj, ndaj ata po mbajnë qëndrim.
Heq dorë ose jo, duket që ky veprim i Caitlyn ia ka vlejtur në një mënyrë, pasi për herë të parë fëmijët e saj bien dakord me njëri-tjetrin.
