Diego Armando Maradona ndërroi jetë më 25 nëntor 2020 për shkak të komplikimeve shëndetësore që lidhen me numrin e substancave të ndaluara. Pavarësisht kësaj, puna e tij në Argjentinë dhe në pjesën tjetër të botës e bën atë një model të vërtetë futbolli bazuar në karrierën e tij. Diego ishte jetik në arritjen e fundit të titullit që Napoli pati në Serie dhe përveç kësaj, fitoi kampionatin e Botërorit në vitin 1986, duke mposhtur kombëtaren gjermane në finalen e madhe.
Kostoja e futbollistëve në merkato pati një rritje superlative disa vite më parë, kur PSG mori vendimin për të paguar më shumë se 200 milionë euro për kartonin e Neymar nga Barcelona. Nga atje, lojtarët kanë rritur ndjeshëm çmimet e tyre dhe dëshmi për këtë është ajo që ndodhi me Chelsean, i cili në këtë merkato dimërore pagoi më shumë se 300 milionë paund. Një shëmbull tjetër është Mbappe, i cili sipas shumë burimeve, pasuria e tij vlen 400 milionë euro.
Sipas një algoritmi nga “The Sun”, Diego Armando Maradona do të kishte një pasuri me vlerë prej 390 milionë euro në vitin 2023, pra 10 milionë më pak se Kylian Mbappe. Pas ndarjes nga jeta të Maradonës në vitin 2020, të shumta ishin aludimet lidhur me shkaqet e vdekjes së tij. Prokurorët që gjykuan çështjen, kërkuan gjykimin e 8 punonjësve të shëndetësisë që kujdeseshin për argjentinasin, me akuzën e “vrasjes nga pakujdesia”.
Maradona u lind në Lanus të Buenos Aires. U rrit profesionalisht në Argjentinë tek Argentina Juniors dhe më pas bëri kalimin tek Boca Juniors, aty ku tifozët e shohin si ‘Zot’. Më pas në vitin e largët 1982 Maradona kaloi tek Barcelona, Napoli, Sevilla dhe për t’u rikthyer më pas për ta mbyllur sërish tek ekipi i zemrës, Boca Juniors. Gjithashtu ai shkëlqeu në arenën ndërkombëtare me Argjentinën që e drejtoi edhe si trajner.
