Kur bëhet fjalë për shpejtësinë e internetit, Evropa ka disa nga lidhjet më të shpejta të internetit në botë. Në një renditje të publikuar nga Cable, dhjetëshja dominohet nga vendet evropiane. Me një shpejtësi prej 264.5 Mbps, ishulli Jersey ka internetin më të shpejtë në botë, i ndjekur nga Lihtenshtajni (246.8). Maja e renditjes globale përmban shumë mikro-shtete. Nëse i përjashtojmë ato, atëherë Islanda (229.4 Mbps), Franca (152.5 (Mbps) dhe Holanda (142.5 Mbps) kanë internetin më të shpejtë në Evropë. Në anën tjetër, Turqia (24.8 Mbps), Shqipëria (25.4 Mbps) dhe Kroacia (25.7 Mbps) kanë internetin më të ngadaltë në Evropë.
Një vloger i njohur në platformën e YouTube si Ryan’s Model Y ka futur në test shpejtësinë e rrjetit 5G si dhe atë rrjetit Starlink. Starlink është shërbim interneti satelitor në kuadër të kompanisë me mision hapësinor SpaceX në pronësi të miliarderit dhe sipërmarrësit Elon Musk. Në këtë rast, Youtuberi mati shpejtësinë e internetit 5G dhe rrjetit satelitor të Starlinkut, nëpërmjet një video të cilën e publikoi në platformë. Sipas tij, rrjeti 5G fitoi dukshëm këtë test duke e arritur shpejtësinë maksimale të internetit me 739.44 megabit për sekondë.
Por, nuk ishte keq edhe interneti i shërbimit satelitor Starlink i cili arriti këtë shpejtësi në 143 megabit për sekondë në transferimin e të dhënave në telefon. Vlen të theksohet se shpejtësia e internetit mund të varet ndonjëherë edhe nga ambientet e caktuara. Starlink, ka për mision që në të ardhmen të shtrijë internetin satelitor në të gjithë globin, e sidomos në zonat më të largëta ku qasja në internet është e pamundur. Për momentin, kompania është duke lëshuar satelitët e tij në orbitën e ulët të Tokës, për ta bërë të mundur këtë; mijëra satelitë të Starlinkut gjenden për momentin në hapësirë.
