Kanceri i gjirit, lloji më i zakonshëm i kancerit tek gratë, prek rreth 13% të grave në një moment të jetës së tyre. Ndërsa vdekjet nga ky kancer po bien në Shtetet e Bashkuara, incidenca e sëmundjes po rritet, veçanërisht tek gratë më të reja, dhe ekspertët nuk janë të sigurt për arsyet.
Një studim i ri sugjeron se kimikatet që transferohen nga paketimi i ushqimit mund të jenë një faktor. Studiuesit identifikuan 189 kimikate në paketimin e ushqimeve, të cilat potencialisht mund të rrisin rrezikun e kancerit të gjirit.
Për të ulur këtë rrezik, ekspertët rekomandojnë:
– Të jeni fizikisht aktiv.
– Të mbani një peshë të shëndetshme, veçanërisht pas menopauzës.
– Të lindni fëmijë, veçanërisht para moshës 30 vjeç dhe të ushqeni me gji.
– Të konsumoni alkool në sasi të moderuara.
– Të pini ujë rubineti në vend të ujit të ambalazhuar dhe të përdorni filtër uji nëse është e mundur.
– Të shmangni ngrohjen e ushqimeve në ambalazhe plastike, si në mikrovalë.
– Të hiqni ushqimin nga paketimi plastik dhe ta ruani në enë qelqi.
Këto masa mund të ndihmojnë në reduktimin e rrezikut të kancerit të gjirit dhe të promovojnë një stil jetese më të shëndetshëm.