Së fundmi ka ndërruar jetë në moshën 91-vjeçare Quincy Jones, gjiganti i muzikës, kompozitori dhe producenti amerikan i filmave, trashëgimia e madhe e të cilit varion nga prodhimi i albumit historik “Thriller” i Michael Jackson, deri te shkrimi i partiturave fituese të çmimeve të filmit dhe televizionit dhe bashkëpunimi me Frank Sinatra, Ray Charles dhe qindra artistë të tjerë. Jones vdiq në shtëpinë e tij në seksionin Bel Air të Los Anxhelosit, i rrethuar nga familja e tij. Jones ishte një nga drejtuesit e parë me ngjyrë që lulëzoi në Hollywood dhe realizoi një katalog të jashtëzakonshëm muzikor që përfshin disa nga momentet më të pasura të muzikës dhe këngës amerikane.
Ndërkaq, producenti legjendar i muzikës nuk e kishte ndarë lajmin se kishte kancer përpara se të vdiste. “Edhe pse kjo është një humbje e pabesueshme për familjen tonë, ne festojmë jetën e mrekullueshme që ai jetoi dhe e dimë se nuk do të ketë kurrë një tjetër si ai”-tha në një deklaratë publicisti i tij, Arnold Robinson. Jones u bë i njohur si kompozitor xhaz në vitet 1950.
Gjatë karrierës së tij 70-vjeçare, ai punoi me disa nga yjet më të mëdhenj të shekullit të 20-të, duke përfshirë Michael Jackson dhe Frank Sinatra. Shkathtësia dhe imagjinata e Jones ndihmuan në shfaqjen e talentit shpërthyes të Jackson ndërsa ai u shndërrua nga një yll që fëmijë në “Mbretin i Pop-it”. Në këngë të tilla klasike si “Billie Jean” dhe “Don’t Stop “Til You Get Enough”, Jones dhe Jackson krijuan një gamë globale zanore nga disko, funk, rock, pop, R&B dhe këngë xhaz e afrikane. Për “Thriller”, disa nga prekjet më të paharrueshme filluan me Jones, i cili rekrutoi Eddie Van Halen për një solo në kitarë në “Beat it”. “Thriller” shiti më shumë se 20 milionë kopje vetëm në 1983 dhe qëndroi në listën “Greatest Hits 1971-1975” dhe gjithashtu u shpall albumi më i shitur i të gjitha kohërave.
