Ndërkohë që Dua Lipa po shijon suksesin me këngën e re “Houdini”, e cila tashmë po bën xhiron e radiove dhe klubeve anembanë botës, këngëtarja është pyetur për këngët e saja të preferuara. E ftuar në podcast-in amerikan BigTop40 nga Will Manning, ylli i muzikës pop ka zbuluar 5 këngët e saj të preferuara, të kënduara nga vetë ajo. Ato janë “Levitating”, “Physical”, “New Rules”, “Be the one” dhe “Hotter then Hell”.
https://twitter.com/BigTop40/status/1723774105176908070?ref_src=twsrc%5Etfw%7Ctwcamp%5Etweetembed%7Ctwterm%5E1723774105176908070%7Ctwgr%5E987580c777504f3d25fb4ff52616060b92808df1%7Ctwcon%5Es1_&ref_url=https%3A%2F%2Fa2news.com%2Fargetim%2Fshowbiz%2Fdua-lipa-zbulon-5-kenget-e-saj-te-preferuara-i1108522
Albumi i tretë i Dua-s është i afërt. Duket se ylli i popit është më në fund gati për të hyrë në epokën e saj të re. Më 6 nëntor, Dua njoftoi se do të ishte e pranishme në Londër, Los Anxhelos dhe Tokio për të festuar publikimin e këngës kryesore të DL3, “Houdini”. Specifikat në lidhje me ngjarjet, duke përfshirë mënyrën e sigurimit të biletave dhe numrin e fansave të pranuar, ende nuk janë shpallur.
Përveç lajmit, ylli ndau edhe fotografi nga ajo që dukej të ishte sesioni fotografik për veprat e saj artistike të albumit. “Po organizoj tre ngjarje surprizë për Houdinin në Londër, Los Anxhelos dhe Tokio”,-shkroi këngëtarja në Instagram. “I pari do të jetë në vendlindjen time, Londër, këtë të enjte!!! Do të ftoj disa nga fansat e mi nga Britania e Madhe dhe anembanë Evropës, kështu që mbajini sytë hapur.”
Projekti i fundit i Dua-s do të jetë një vazhdim i albumit të saj të dytë që theu rekord, “Future Nostalgia”. Pasuria e këngëtares ka pësuar një rritje të lartë gjatë vitit 2022, me 154 mijë funte në javë të fituara, derisa ajo ka bërë investime në prona dhe paratë e tjera i ka fituar nga shitja e biletave në turne. Zbulohet se ajo është më e pasur se disa nga pjesëtarët e oborrit mbretëror.
