Së fundmi, më shumë detaje po dalin në dritë mbi ndarjen e dyshes së njohur Joe Jonas dhe Sophie Turner. Aktorja e “Game of Thrones” tha se prishja e martesës ndodhi shumë papritur në një padi që ajo ngriti kundër këngëtarit më 21 shtator. Sipas dosjes së saj, çifti planifikoi që vajzat e tyre të shkonin në turne me këngëtarin e ‘Jonas Brothers’ në gusht, ndërsa Sophie po xhironte serialin televiziv ‘Joan’ në Angli.
Sophie ishte në gjendje të kthehej në SHBA për të ndjekur koncertin e ‘Jonas Brothers’ më 12 gusht në stadiumin Yankee, ku ajo u fotografua në koncert në New York. Dy ditë më vonë, 27-vjeçarja postoi një foto ku shihej duke puthur dorën e Joe në prapaskenë, duke shkruar në Instagram, “Netët e gjata të New Jorkut”.
Megjithatë, Sophie tha në padinë e saj se ajo dhe Joe “patën një debat” vetëm një ditë pas postimit të saj më 15 gusht, që ishte ditëlindja e tij e 34-të. Në të njëjtën ditë, ylli i HBO-së festoi momentin e tij historik duke shpërndarë një foto të tyre me pizhame dhe duke shkruar në Instagram, “Gëzuar ditëlindjen, bukurosh”.
Nga ana e tij, Joe organizoi një festë me familjen dhe miqtë e tij, por Sophie nuk u duk në asnjë nga fotot e festës që ai postoi më 15 gusht me mbishkrimin, “Unë jam shumë me fat”. Rreth dy javë më vonë u zyrtarizua ndarja e tij me Sophie. Dyshja ranë dakord përpara ndarjes që Sophie do t’i merrte vajzat e tyre në SHBA dhe do t’i kthente në Angli më 20 shtator, por ajo pretendon se Joe tani refuzon të dorëzojë pasaportat e vajzës së tyre.
