Në total, ka rreth 350 vullkane në Azerbajxhan nga 800 vullkane balte ekzistuese në mbarë botën. Shpërthimi i parë ndodhi rreth 25 milionë vjet më parë. Origjina e vullkaneve është e ndërlidhur me formimin e kondensatës së naftës dhe gazit dhe në disa zona janë zbuluar depozitat e tyre të pasura. Por, duhet të dini se nuk mund t’u afroheni vullkaneve, sepse janë të rrezikshëm, edhe nëse duken krejtësisht të padëmshëm.
![](https://www.slate.com/content/dam/slate/blogs/atlas_obscura/2015/02/04/mud_volcanoes_in_gobustan_azerbaijan/2430666910_2bd9522c74_b.jpg.CROP.promo-large2.jpg)
Azerbajxhani sot është i famshëm për faktin se vullkanet e tij të baltës u përfshinë në listën e “Shtatë mrekullive të botës” dhe 23 prej tyre fituan titullin “Park kombëtar”. Proceset e shpërthimeve dhe turbulencave në kratere funksionojnë gjatë gjithë vitit. Ndonjëherë shpërthimet mund të shoqërohen me zhurmë nëntokësore dhe shpërthime të mëdha. Gazrat shpërthejnë nga thellësitë e vullkanit nën presion të fortë dhe ndizen menjëherë. Lartësia e flakës mund të arrijë deri në 1000 metra mbi vullkan.
![](https://www.slate.com/content/dam/slate/blogs/atlas_obscura/2015/02/04/mud_volcanoes_in_gobustan_azerbaijan/bubbling_mud_volcano_3860839273.jpg.CROP.promo-large2.jpg)
Gjeologët kanë arritur në përfundimin se struktura e vullkaneve me baltë të Azerbajxhanit është e ngjashme me sipërfaqet e planetit Mars. Duke vizituar qytetet e Azerbajxhanit, turistët do të mahniten edhe nga vullkanet e baltës. Kur shpërthejnë, papastërtia, lëngjet dhe llava dalin në sipërfaqe, e cila përdoret në mënyrë aktive në kimi, ndërtim, farmakologji dhe madje edhe kozmetologji. Nuk është për t’u habitur që balta ka veti medicinale dhe të dobishme në trupin e njeriut, sepse përmban elementë gjurmë të dobishëm si jod, brom, bor, etj. Këta elementë sigurojnë funksionimin normal të trupit të njeriut.
![](https://upload.wikimedia.org/wikipedia/commons/thumb/1/1a/Bala_Bahar_Mud_Volcano_1._Photo_by_Uzeyir_Mikayilov.jpg/500px-Bala_Bahar_Mud_Volcano_1._Photo_by_Uzeyir_Mikayilov.jpg)