Ata që vuajnë nga migrena, e dinë që është shumë më e keqe se dhimbja e zakonshme e kokës. Sipas një studimi të ri, ushqimi është një nga arsyet se përse e keni këtë problem shëndetësor. Studimi, i botuar në revistën “Nutrition Neuroscience”, zbuloi fillimisht se 1.838 nga 8.953 pjesëmarrësit në Anketën Kombëtare të Ekzaminimit të Shëndetit dhe Ushqimit nga viti 1999 deri në 2004 ishin të sëmurë nga migrena.
Duke marrë parasysh shkaqet e mundshme të kësaj sëmundjeje, autorët e studimit analizuan të dhënat e disponueshme për të gjetur një lidhje midis dietës dhe rasteve të dhimbjeve të forta të kokës, si dhe migrenës.
Gjetjet treguan se këta njerëz nuk merrnin aq sa duhet vitamina dhe lëndë ushqyese si fibra dietike, riboflavina, kalium, magnez, si dhe vitaminë A, vitaminë B6, vitaminë B12, vitaminë C dhe K. Nga ana tjetër, pinin më shumë kafe dhe konsumonin më shumë teobrominë, e cila gjendet në çokollatë.
Ekipi i studiuesve arriti në përfundimin se kjo lloj diete lidhet me migrenë të shpeshtë dhe intensive. “Nuk më habit kur zbuloj se kequshqyerja lidhet me migrenën. Migrena mund të shkaktohet nga sheqeri i ulët në gjak”, ka thënë mjekja Sidney Greene për “Eat This, Not That”. Më pas shtoi se:
Nëse dikush anashkalon vaktet ose përjashton grupet kryesore ushqimore, veçanërisht karbohidratet, nga dieta e tyre, kjo mund të shkaktojë uljen e niveleve të sheqerit në gjak. Përveç kësaj, kequshqyerja afatgjatë zakonisht çon në mangësi të vitaminave dhe mineraleve. Dieta të caktuara si dieta vegane, vegjetariane mund të çojnë në mangësi të vitaminave dhe mineraleve në trup. Është e rëndësishme të gjesh një profesionist të kujdesit shëndetësor që ka përvojë në punën me migrenën. Një mjek ose dietolog i regjistruar do të jetë në gjendje të ndihmojë në krijimin e një diete që do të reduktojë rrezikun e migrenës,
A mund të ketë në të vërtetë migrena juaj diçka që ka të bëjë me ciklin menstural? E pra, për fat të keq për gratë kudo në botë mund të themi që “PO”! Migrena menstruale aktualisht ndikon në mbi 50% prej nesh.
