Është vetëdorëzuar në polici Festim Ramadani, autori i vrasjes së Sabri Sabriut, mbrëmjen e djeshme në Ferizaj të Kosovës.
Pas ngjarjes, ai u arratis dhe policia nuk mundi ta lokalizonte, deri ditën e sotme kur ai u dorëzua. Ngjarja e rëndë ndodhi mbrëmjen e djeshme , rreth orës 19:25, në fshatin Bibaj, në parkingun e një salle dasmash. Ramadani qëlloi me armë zjarri 80-vjeçarin, pikërisht në dasmën e nipit të tij.
Njëkohësisht viktima është edhe xhaxhai i bashkëshortit të Presidentes së Kosovës, Vjosa Osmani.
Efektivi ishte jashtë orarit zyrtar në momentin kur e kreu krimin, teksa ende mbetet enigmatike arsyeja e vrasjes.
Për raportimet e vrasjes së 89-vjeçarit mbrëmë në Bibaj të Ferizajt, ka reaguar vetë presidentja Vjosa Osmani, sipas saj duke e implikuar atë dhe bashkëshortin e saj “në situata me të cilat nuk kemi asnjë lidhje të vetme, kanë qëllim të qartë të nxitjes së urrejtjes, e cila pastaj rezulton në dhunë”, shprehet Osmani.
