Ambasadori amerikan në Serbi, Christopher Hill është sulmuar verbalisht nga disa gra nëpër rrugët e Beogradit teksa ka qenë duke ecur krah bashkëshortes së tij. Teksa e kanë filmuar për disa minuta, ata e kanë fyer diplomatin amerikan me fjalë të rënda duke e etiketuar si ‘vrasës’.
“Vrasësi po shëtit nëpër Beograd, i ftohtë si vdekja. Vrasësi i fëmijëve. Kosova dhe Metohia është pjesë e Serbisë, populli serb është me Rusinë”, kanë qenë disa nga fjalët drejtuar ambasadorit. Hill ndodhet në Beograd si ambasador i Shteteve të Bashkuara në mars të vitit të kaluar.
Christopher Hill ishte një nga negociatorët amerikanë që provoi të gjente një zgjidhje paqësore për Kosovën dhe Serbinë por asokohe Millosheviç i kishte hedhur poshtë të gjitha ofertat. Mesa duket reputacioni i tij tek serbët është ende ai i ‘bombarduesit’ të Serbisë.
