Volkswagen ka ulur parashikimet e tij vjetore për herë të dytë në tre muaj pasi prodhuesi më i madh i makinave në Evropë fajësoi “një mjedis sfidues tregu” për shitje më të dobëta. Grupi gjerman tha të premten se priste një marzh fitimi operativ prej rreth 5.6% në 2024, në vend të një diapazoni prej 6.5% deri në 7% që kishte parashikuar. Ulja erdhi pasi VW uli objektivin e saj në korrik, duke përmendur kostot për mbylljen e një fabrike të Audi në Belgjikë.
VW ka thënë se po shqyrton mbylljen e fabrikave në Gjermani për herë të parë në historinë e saj 87-vjeçare, pasi prodhuesi i makinave është përballur me një rënie të kërkesës për automjete në Evropë dhe rritjen e markave më të lira kineze. “Një përkeqësim në mjedisin makroekonomik ka një ndikim negativ, i cili mund të rezultojë në rreziqe të mëtejshme”-ka thënë VW.
VW nisi negociatat mbi pagat me sindikatat IG Metall, e cila po kërkon një rritje të pagave prej 7% për punonjësit. Sindikata dhe këshilli i punës i grupit kanë paralajmëruar se grevat do të jenë të mundshme në fabrikat gjermane nga dhjetori. Volkswagen ka përfunduar zyrtarisht prodhimin e makinës së saj ikonë “Polo” në Evropë. Me këtë, kompania është duke i dhënë fund një trashëgimie 40-vjeçare. Kjo lëvizje është pjesë e strategjisë më të gjerë të prodhuesit të automjeteve për të përshpejtuar tranzicionin e saj drejt automjeteve elektrike, në përputhje me tendencat globale.
Polo, që u prezantua në vitin 1984, u bë një gur themeli i linjës së Volkswagen në Evropë, me mbi 8.4 milionë njësi të prodhuara në fabrikën e Pamplona në Spanjë. I njohur për prakticitetin, përballueshmërinë dhe performancën solide, Polo gjeti vend tek blerësit evropianë për dekada. Megjithatë, ndërsa Volkswagen e zhvendos fokusin e tij tek elektrifikimi, objekti i Pamplona tani po rinovohet për të prodhuar dy automjete të reja të vogla elektrike.
Gjiganti gjerman i makinave, ka mohuar raportin se po planifikon të largojë nga puna deri në 30,000 punonjës. “Ne nuk e konfirmojmë këtë shifër”-u citua të ketë thënë një zëdhënëse e Volkswagen, pas raporteve për shkurtimet e propozuara të vendeve të punës në revistën gjermane të biznesit Manager Magazin. “Një gjë është e qartë”-vazhdoi ajo.
