Sipas mediave të huaja, aktorja e famshme, Vanessa Hudgens po del prej kohësh me yllin e MLB, Cole Tucker dhe e kanë kaluar bashkë natën e ndërrimit të viteve. Një burim i afërt tha se:
Ata janë të dashur. U bënë bashkë për Vit të Ri.
Në fund të nëntorit të kaluar, dyshja u pa bashkë në publik, teksa ishin të kapur dorë për dore. Kjo lidhje e re për Vanessa-n vjen një vit pas ndarjes së saj të bujshme nga lidhja 8-vjeçare me Austin Butler. Siç raportuan mediat e huaja asokohe, aktorja dhe Butler vendosën t’i japin fund pasi distanca nuk po i bënte mirë marrëdhënies së tyre.
Në nëntor të vitit 2020, Hudgens u shpreh për “Entertainment Tonight” se çfarë po kërkonte në partnerin e ardhshëm. Aktorja tregoi se mbi të gjitha, ata duhet të kishin interesa të përbashkëta dhe kaq mjaftonte që ta bënte atë të lumtur.
