Policia britanike u thirr për të ndërhyrë pasi banorët e qytetit raportuan për një trup njeriu në një kosh plehrash, por rezultoi një mashtrim. Nga pamjet që kanë publikuar mediat vendase, duket trupi i një njeriu të gjakosur i lënë në koshin e mbeturinave. Oficerët e policisë kishin marrë një telefonatë nga një qytetar për një njeri të gjymtuar. Por ndërsa po kërkonin trupin, një banor i zonës u bëri shenjë për t’u shpjeguar se ishte një shaka që i doli jashtë kontrollit.
"You've bin fooled!" – my words and pictures in the Daily Mail this morning (via @SWNS).https://t.co/cvlVndEyeU
— Daniel Jae Webb (@DanielJaeWebb) September 13, 2023
Ai i nxori pjesët e rreme të trupit nga koshi i plehrave dhe i shpjegoi se nuk ishin të vërteta. Pjesët e trupit ishin vendosur në kosh si një shaka që ai bënte me fqinjët e tij. “I vendosa në një thes që askush të mos i shohë tani. Është thjesht një farsë që doli jashtë kontrollit”,-mësohet të ketë thënë qytetari.
