Joe Jonas dhe Sophie Turner besojnë se do të arrijnë një “zgjidhje miqësore” në lidhje me kujdestarinë e fëmijëve të tyre pas seancave të “ndërmjetësimit të suksesshëm”. Ish-çifti thuhet se kanë arritur një marrëveshje të përkohshme kujdestarie për dy vajzat e tyre të vogla, Willa trevjeçare dhe Delphine njëvjeçare. Ata besojnë se një “zgjidhje miqësore për të gjitha çështjet mes tyre është e afërt”, sipas dokumenteve të reja të gjykatës.
Willa dhe Delphine do të qëndrojnë me nënën e tyre nga 9 deri më 21 tetor. Sophie lejohet të udhëtojë me fëmijët e saj në të gjithë Mbretërinë e Bashkuar dhe SHBA gjatë asaj periudhe kohore, që do të thotë se Sophie do të jetë në gjendje të kthehet në Londër siç kishte kërkuar më parë.
Sophie kishte kërkuar më herët një gjykatë në Nju Jork që të urdhëronte fëmijët e tyre të ktheheshin në kujdestarinë e saj fizike, pasi pretendoi se Joe po refuzonte t’u kthente pasaportat e fëmijëve. Sipas dokumenteve të reja të gjykatës, ylli i “Game of Thrones” më pas do t’i marrë vajzat e saj te Joe më 21 tetor dhe ato do të qëndrojnë me të deri më 2 nëntor.
Dokumentet, të cilat u morën nga Page Six, thonë se Joe dhe Sophie do të vazhdojnë të kenë dy javë me vajzat e tyre deri më 7 janar. Kjo do të thotë se fëmijët do të kalojnë Ditën e Falënderimeve me babanë e tyre dhe Krishtlindjet me nënën e tyre.
