Gjykata Evropianë për të Drejtat e Njeriut në Strasburg ka shpallur si të ligjshëm përgjimin nga aplikacioni i bisedave të EncroChat.
Ky aplikacion është përdorur kryesisht nga persona të përfshirë në botën e krimit.
Pas këtij vendimi personazhet e krimit janë në vështirësi, pasi në shumë vende janë ndërmarrë aksione ndërkombëtare bazuar në bisedat e zbërthyera nga Enchro dhe Sky Ecc.
Ky vendim do të ketë impakt edhe në Shqipërisë, pasi janë kryer shumë hetime nga SPAK, bazuar në bisedat e zbardhura në Francë nga këto aplikacione.
Për zbërthimin e bisedave, Strasburgu thotë se janë të ligjshme dhe mund të përdoren si prova.
Por çfarë do të thotë për dosjet që po hetohen në Shqipëri ky konstatim i Strasburgut që referon gjykatën e brendshme franceze?
Ajo që dihet është se në Francë, bisedat në Sky Ecc dhe në Enchro janë konsideruar të ligjshme nga gjykata e lartë franceze dhe Kasacioni atje, në 5 shtator 2023 ka hedhur poshtë pretendimet se prokurorët francezë dështuan në detyrën e tyre për të siguruar një certifikatë për të verifikuar saktësinë e të dhënave Enchrochat të përdorura si prova në ndjekjen penale.
Dhe në Shqipëri kjo do të thotë se teksa gjykata kushtetuese po mbledh qëndrimet e palëve mes tyre avokatë të të arrestuarve të Metamorfozës dhe nga ana tjetër të SPAK, një tjetër lëvizje është ajo e grumbullimit të qëndrimeve të gjykatave të huaja, më kryesorja të Strasburgut dhe të gjykatave të tjera, ku do të përfshihet edhe vendimi i datës 17 tetor.
