Vëllezërit Jonas janë nderuar së fundmi me një yll në Hollywood Walk of Fame. Gjatë një interviste me Fox News Digital, vëllezërit theksuan rolin që luajtën fansat e tyre në arritjen e tyre në këtë pikë. “Ne nuk do të kishim qenë këtu pa ata, mbështetjen e miqve dhe familjes sonë që janë gjithashtu këtu.”-tha Kevini.
Nick vazhdoi: “Ne do të gënjenim nëse do të thonim se nuk ishim të mbytur pak nga emocionet. Është e vështirë të mos jesh kur këtu ka kaq shumë ngrohtësi dhe gëzim. Është një ditë vërtet e veçantë.”
Joe shtoi: “Është një nder i jashtëzakonshëm ta ndaj këtë gëzim me kaq shumë fytyra të njohura që kanë ecur me ne gjatë karrierës sonë deri tani dhe sigurisht me fansat.” Kjo ceremoni shënoi daljen e parë publike që Nick dhe Priyanka Chopra Jonas bënë me vajzën e tyre 12 muajshe Malti Marie.
Nick shprehu se është i lumtur që vajza e tij mund të kthehet përgjithmonë në këtë vend dhe të shohë trashëgiminë që la pas. Të pranishëm ishin edhe gruaja e Kevin Jonas, Danielle dhe dy vajzat e tyre, si dhe aktorja Sophie Turner, e cila është e martuar me Joe. Rikujtojmë, se Nick Jonas ka një pasuri prej 70 milionë dollarësh së bashku me gruan e tij, Priyanka Chopra, sipas website-it të specializuar Celebrity Net Worth.
