Kendrick Lamar ka publikuar një tjetër këngë të re, që është një ‘diss’ për Drake, duke marrë parasysh sherrin mes të artistëve. E gjitha filloi kur Lamar ‘goditi’ reperin kanadez dhe J Cole në këngën e tij “First Person Shooter”. Dyshja vazhdimisht kanë lëshuar fjalë e ofendime ndaj njëri-tjetrit. Drake e ka akuzuar reperin për dhunë në familje dhe Lamar ka pretenduar se reperi ka një ‘vajzë të fshehtë’.
Në këngën e tij të re, “Not Like Us”, reperi e quajti Drake një “pedofil të certifikuar” pasi ai bëri referenca të shumta për ndërveprimet e tij të supozuara me gratë më të reja. “Thuaj, Drake, të dëgjoj që të pëlqejnë më të reja”-filloi reperi 36-vjeçar, duke shtuar se ai do të luftonte në burg për shkak të interesit të tij. “Më mirë të mos shkoni kurrë në bllokun e parë të qelisë”.
Lamar vazhdoi të paralajmëronte çdo grua të interesuar për Drake që “vetëm sigurohuni që të fshihni motrën tuaj prej tij”. Ai vazhdoi të tallej me albumin e artistit “Certified Lover Boy”, duke i thënë: “Pedofil i certifikuar’. Disa muaj më parë Drake njoftoi se do të bënte një pushim nga muzika për t’u fokusuar në shëndetin e tij. Në një deklaratë të bërë në Radio Drake tha:
Unë ndoshta nuk do të bëj muzikë për pak. Do të jem i vërtetë me ju. Më duhet të fokusohem te shëndeti im, para së gjithash…Siç e dini, unë dua që njerëzit të jenë të shëndetshëm në jetë.
Drake zbuloi se ai ka pasur probleme serioze me stomakun për vite. Njoftimi i reperit erdhi në të njëjtën ditë kur ai publikoi albumin e tij të ri, “For All the Dogs”.
