Kanye West rrëfeu edhe një herë betejat e tij për bashkë-prindërimin me Kim Kardashian, teksa ai ndau një sërë mesazhesh personale mes tij dhe ish-gruas në Instagram ditën e djeshme, duke e shtyrë atë t’i kërkonte të ndalonte me sjelljen e tij. Në postimet e tij të fundit, ai zbuloi se varësia e tij ndaj pornografisë shkatërroi familjen, tha se Kim duhet të marrë vendime për shkollimin e fëmijëve të tyre sepse ajo është ‘gjysmë e bardhë’ dhe përshëndet ‘dhuruesit e spermës’ të Kardashian.
Në një nga mesazhet, të cilat që atëherë janë fshirë, Kanye kritikoi zgjedhjen e Kim për shkollën e katër fëmijëve e tyre North 9 vjeç, Chicago 4 vjeç, Saint 6 vjeç dhe Psalm 3 vjeç. Fëmijët po ndjekin shkollën Sierra Canyon, një parashkollor privat deri në shkollën përgatitore të klasës së 12-të në Los Angeles. Megjithatë, reperi tregoi se dëshiron që fëmijët e tij të ndjekin shkollën që ai themeloi, ‘Donda Academy’.
Kanye së pari njoftoi se po fillonte një shkollë në tetor të vitit të kaluar. Akademia private e krishterë, e quajtur sipas nënës së ndjerë të reperit, Donda West, është gjithashtu në zonën e Los Angelesit dhe është cilësuar si një shkollë e bazuar në besim dhe projekte ku nxënësit rriten në besimin dhe komunitetin e tyre përmes adhurimit të përditshëm në të gjithë shkollat dhe festë në shërbimin e së dielës. Aplikimet janë aktualisht të hapura për vitin shkollor 2022-2023, si dhe dy vitet në vijim.
Në një tjetër postim, Kanye këmbënguli që ai të takohej personalisht me Kim dhe duke sugjeruar që ajo të merrte përgjegjësinë për zgjedhjen e fëmijëve të tyre në shkollë, sepse ajo është ‘gjysmë e bardhë’. Më pas ai rrëfeu se kishte varësi nga pornografia, teksa theksoi që kjo i kishte shkatërruar familjen.
Kanye, i cili më parë ka qenë i hapur për çrregullimin bipolar, gjithashtu detajoi betejat e tij për shëndetin mendor në një postim tjetër. Menjëherë pas këtyre sjelljeve të çuditshme, Kanye i fshiu të gjitha postimet. Llogaria e tij në Instagram tani është bosh me përjashtim të një fotografie të studentëve që ndjekin Akademinë Donda.
