Për këngëtaren dhe aktoren e njohur Vanessa Hudgens, lëkura e shëndetshme fillon me një rregull: “Lani fytyrën”. Ajo shprehet se:
Edhe nëse është mesditë dhe jeni duke u grimuar për të dalë me miqtë ose të dashurin tuaj, pastroni fytyrën përpara se të vendosni make-up.
Ylli fillon përgatitjen për një drekë mes vajzash me pastruesin dhe hidratuesin e fytyrës nga marka e saj “Know Beauty” duke shmangur pastruesit vajorë dhe serumet sepse ka një lëkurë të yndyrshme. Hudgens tregon se lëkura e saj është sensitive dhe thotë se:
Është shumë bukur, sepse ndihem sikur jam në një pikë që e dua lëkurën time. Lëkura ime nuk është dukur ndonjëherë kaq mirë. Lëkura ime e ndjeshme funksionon më mirë me produkte të thjeshta dhe me përbërës minimalë.
Pasi vendos kremin hidratues, aktorja masazhon fytyrën e saj për pak sekonda dhe më pas hidraton buzët me një shkëlqyes buzësh nga marka e njohur “Dior”. Ajo e nis rutinën e make up-it me vendosjen e korrektorit për të mbuluar rrathët e zinj të syve dhe defektet e vogla në fytyrë. Këngëtarja thotë se ka qenë shumë e vështirë për të që të gjente produktet e duhura për tonin e lëkurës së saj. Më pas vendos fondatinën dhe “bronzer”-in nga marka e njohur “Fenty Beaty”. Pasi lyen vetullat me një laps vetullash nga “Benefit Cosmetics”, Vanessa i fikson dhe ju jep formë me një xhel vetullash. Për sytë përdor tone natyrale, gjithashtu krijon një hije poshtë syve dhe poshtë vetullës vendos pak “highlighter”. Ajo shprehet se:
Më pëlqen të vendos produkte kudo në fytyre.
Hudgens vendos sërish pak korrektor për pjesën poshtë syve nga marka e njohur “Fenty Beauty”. Më pas vendos pak “blush” në mollëza, në pjesën e sipërme të hundës dhe në qepallat e syve. Gjithashtu, nuk harron të vendosë “highlighter” në pjesën e sipërme të buzës, hundës dhe sipër mollzave. Vanessa e përmbyll rutinën e saj të make up-it duke përdorur një laps buzësh për t’i vijëzuar ato dhe në fund vendos buzëkuqin me një nuancë vishnje të errët nga marka e njohur “MAC”. Aktorja nuk harron të vendosë rimelin nga “YSL”. Më poshtë keni të listuara produktet e make up-it që përdor Vanessa Hudgens, nëse dëshironi t’i blini.
1-Larës fytyre nga “Know”
2-Krem hidratues nga “Know”
3-Masazhues fytyre nga “Complex Culture Beauty”
4-Shkëlqyes buzësh nga “Dior”
5-Korrektor nga “Rare Beauty”
6-Fondatinë nga “Bare Minerals”
7-Bronzer nga “Fenty Beauty”
8-Laps vetullash nga “Benefit Cosmetics”
9-Xhel vetullash nga “Patrick Ta”
10-Buzëkuq nga “MAC”
11-Rimel nga “YSL”
