Aktivistët e Animal Rising vandalizuan së fundmi portretin e ri zyrtar të Mbreti Charles III në një galeri në Londër duke mbuluar kokën e monarkut britanik me fytyrën e personazhit Wallace, nga seriali vizatimor Wallace dhe Gromit. Në një video të postuar në platformën X nga grupi i të drejtave të kafshëve, dy aktivistë shihen duke mbuluar kokën e mbretit me fytyrën e Wallace dhe me një mesazh duke denoncuar “trajtimin mizor” të kafshëve në fermat e certifikuara nga RSCPA, Shoqëria Mbretërore për Parandalimin e mizorisë ndaj kafshëve.
‼️BREAKING: No Cheese Gromit! King Charles Portrait Redecorated‼️ @RoyalFamily
‼️Find out why King Charles, Patron of the RSPCA should ask them to drop the Assured Scheme -> https://t.co/pTneW0QCWf 👈 pic.twitter.com/jYLHFuxtHB
— Animal Rising (@AnimalRising) June 11, 2024
Nënshkruar nga artisti i njohur britanik Jonathan Geo, portreti tregon mbretin me uniformën ushtarake të Gardës Uellsiane në një sfond të kuq. Portreti u porosit nga The Draper’s Company, një nga repartet tregtare historike të Londrës, në selinë e të cilit piktura do të ekspozohej më vonë.
Animal Rising prezantohet si një organizatë paqësore, duke mbrojtur krijimin e një shoqërie ku njeriu ndan një marrëdhënie pozitive me kafshët dhe natyrën. Së fundmi ajo ka publikuar një raport që denoncon torturën e kafshëve dhe mizorinë e tmerrshme në shumë ferma, të cilat janë të certifikuara nga RSCPA dhe supozohet të garantojë kushtet e duhura të mbarështimit në objektet blegtorale.
Mbreti është një sponsor i RSCPA. Vitin e kaluar, aktivistët e Animal Rising vodhën tre qengja nga Sandringham, pronë e monarkut në Norfolk, në mënyrë që të denonconin kultivimin e kafshëve për qëllime ushqimore. Mbreti Charles III mund të gëzojë disa privilegje që pjesa tjetër e familjes së tij nuk i gëzon tani që ai është në krye të Kurorës Britanike. Për shembull, monarku mund të festojë ditëlindjen e tij dy herë në vit. Përvjetori i dytë do të jetë në Trooping the Colour, një nga festimet më të famshme dhe plot ngjyra në Mbretërinë e Bashkuar.
