Nevojat ushqyese të femrës ndryshojnë përgjatë ciklit menstrual dhe luhatja e hormoneve nuk është e vetmja arsye për këtë. Zakonisht ato humbin mineralat dhe vitaminat thelbësore përmes gjakderdhjes.
Për të rikthyer këto humbje ekspertët rekomandojnë një dietë të ekuilibruar në përputhje me periodat e tyre. Prandaj, ne përmes këtij artikulli do t’ju vijmë në ndihmë, duke ju treguar ushqimet që duhet të shmangni gjatë periodave:
Qumështi
Duhet të shmangni nëproduktet e qumështit nëse keni dhimbje barku të vazhdueshme. Qumështi përmban laktozë, një lloj sheqeri që disa njerëz kanë vështirësi në tretjen e tij. Për më tepër, laktoza mund të shkaktojë fryrje, dhimbje në stomak dhe përzierje.
Ushqimet pikante
Ushqimet pikante mund t’ju sjellin shqetësime shtesë në stomakun tuaj. Sidoqoftë, nëse zgjidhni me mençuri, disa erëza mund të jenë të dobishme për trupin tuaj gjatë periodave. Për shembull, speci djegës është i famshëm për efektet e tij anti-inflamatore.
Kafeja
Studimet tregojnë se konsumimi i kafes gjatë periodave në të vërtetë mund të rrisë kohëzgjatjen e tyre. Për më tepër, kafeina përshkallëzon sindromën premenstruale. Në rast se ju vuani nga kjo gjë, duhet të shmangni pirjen e kafesë para dhe pas periodave.
