Kujtimet e ish-kryeministrit britanik Boris Johnson do të publikohen në tetor. Këtë ka njoftuar botuesi HarperCollins. Botuesi tha se libri, i titulluar “Unleashed”, do të jetë “i sinqertë, i papërmbajtshëm dhe thellësisht zbulues”, duke mbuluar kohën e Johnson si kryebashkiak i Londrës dhe si kryeministër. Libri del më 10 tetor.
![](https://drsw10gc90t0z.cloudfront.net/AcuCustom/Sitename/DAM/538/Unleashed-announcement_square-FINAL1.jpg)
“Jam i nderuar që HarperCollins po publikon rrëfimin tim personal për riorganizimin e madh që ka ndodhur në politikën britanike gjatë 15 viteve të fundit dhe çfarë mund të presë e ardhmja. Prisni derisa mendimet e mia për të ardhmen e Britanisë së Madhe të shpërthejnë në botën botuese si një shishe shampanje e trazuar”-theksoi Johnson.
Në janar 2023, regjistri i interesave të Johnson zbuloi se ai kishte marrë një hua prej 510 000 stërlinash për botimin e kujtimeve të tij, shumë më tepër se 7 674 stërlinat e marra nga pasardhësja e tij, Liz Truss. Që kur u largua nga Parlamenti vitin e kaluar, pasi u zbulua se kishte mashtruar Parlamentin mbi Partygate, Johnson ka vazhduar të shkruajë për ”Daily Mail”. Kohët e fundit, ai ka mbështetur disa kandidatë konservatorë në zgjedhje.