Udhëtimi katër-ditor i Princ Harry dhe Meghan Markle në Kolumbi u raportua se ishte financuar nga çifti vetë, duke hedhur poshtë spekulimet se udhëtimi kishte kushtuar 1.5 milion paund.
Sipas raportimeve të “El País”, Zëvendës Presidentja Francia Márquez, e cilësoi vizitën si një “sukses”. Çifti vizitoi qytetet Bogotá, Cali dhe Cartagena gjatë qëndrimit të tyre në Amerikën e Jugut.
Ministria konfirmoi se Harry dhe Meghan e financuan vizitën dhe ekipin e tyre me burimet e tyre, siç raportoi Express.co.uk. Një zëdhënës i Ministrisë tha:
Duka dhe Dukesha e Sussex-it e financuan udhëtimin e tyre dhe atë të ekipit të tyre me burime të veta,
Kështu hodhën poshtë raportet e mediave lokale që pretendonin se vizita kishte kushtuar 8 miliardë pesos (1.5 milion paund). Megjithatë, nuk është zbuluar ende shuma e saktë e shpenzimeve. Evenimentet e ndjekura nga Duka dhe Dukesha në Kolumbi u raportua se ishin “të bashkëfinancuara”, me agjenci ndërkombëtare që besohet se kanë kontribuar në mbulimin e disa prej kostove.
Vizita është cilësuar si e suksesshme nga Ministria, sipas saj kjo lejoi popullin e Kolumbisë të angazhohej me “Fondacionin Archewell” të Harry dhe Meghan. Ky udhëtim ndihmoi gjithashtu në paraqitjen e Kolumbisë si një destinacion për biznes dhe turizëm.
Vizita ishte shumë produktive dhe mundësoi krijimin e lidhjes mes popullit dhe “Fondacionit Archewell” – të krijuar dhe të udhëhequr nga Duka dhe Dukesha e Sussex-it – për të promovuar programe që synojnë autonominë ekonomike të grave, parandalimin e dhunës në mjediset digjitale për vajzat, djemtë dhe të rinjtë, si dhe mbështetje për liderët që ndihmojnë në ndërtimin e paqes përmes artit dhe kulturës,
“El País” raporton se, megjithëse shumica e kostove nuk ishin mbuluar nga qeveria kolumbiane, disa aspekte të udhëtimit mund të kenë marrë financim shtetëror. Shpenzimet për udhëtim do të ishin mbuluar nga qeveria e Gustavo Petro, dhe ushqimi gjithashtu mund të jetë përfshirë. Forumi ‘Afro Women and Power’ gjithashtu pretendon se mbështetet nga financimi i qeverisë kombëtare.
Márquez tha:
E gjithë bota i ka vënë sytë mbi diversitetin dhe pasuritë kulturore të Kolumbisë. Është treguar se ne nuk jemi vendi i dhunës, por vendi i shpresës, i bashkëpunimit, i mikpritjes së mirë, ne jemi vendi i paqes.
Udhëtimi katër-ditor i Meghan dhe Harry-t kishte ngjashmëri me turnetë zyrtare mbretërore, duke përfshirë vizita në shkolla, angazhime kulturore, diskutime në forume dhe përkrahjen e konkurrentëve në Lojërat Invictus. Në një moment të paharrueshëm, ata morën pjesë në mësime tambur dhe shndërruan natën në një ngjarje të famshme në kryeqytetin e salsa-s, Cali, duke treguar lëvizjet e tyre në parketin e vallëzimit.
