Aktori i njohur Brendan Fraser ka folur së fundmi për djalin e tij të madh Griffin, i cili është autik dhe obez dhe ka shprehur se ai e kupton shumë mirë si është të jesh pranë dikujt që jeton me sëmundjen e obezitetit. 53 vjeçari luan rolin e një babai mbipeshë në filmin e tij të ri “The Whale”. Brendan ka tre djem me ish-bashkëshorten e tij Afton Smith, nga e cila u divorcua në vitin 2007 pas 9 vitesh martesë.
![](https://telegrafi.com/wp-content/uploads/2022/11/brend7.jpg)
Duke folur për djalin e tij Griffin, Brendan tha për ‘Interview Magazine’ se:
Unë kam tre fëmijë, djali im më i madh Griffin është autik dhe obez. Ai sapo ka mbushur 20 vjeç. Unë e kuptoj nga afër se çfarë është të jesh pranë një personi që jeton me sëmundjen e obezitetit. Ai nuk e di se çfarë është cinizmi për shkak të autizmit.
![](https://telegrafi.com/wp-content/uploads/2022/11/brend3.jpg)
Në filmin “The Whale”, Brendan iu nënshtrua një transformimi fizik për të luajtur rolin e një burri mbipeshë të kufizuar në një karrige me rrota, i cili po përpiqet të rilidhet me vajzën e tij, rol i luajtur nga Sadie Sink. Për të luajtur rolin e mësuesit të anglishtes Charlie, i cili peshon 272 kilogramë, atij iu desh të kalonte katër orë çdo ditë duke vendosur kostumin e rëndë prej 300 kilogramësh.
![](https://telegrafi.com/wp-content/uploads/2022/11/brend9-780x439.jpg)
Brendan e përshkroi rolin si gjëja më e vështirë që ka bërë ndonjëherë. “Thw Whale” shënon projektin e parë hollivudian të Brendan në pothuajse dhjetë vjet dhe rolin e tij të parë kryesor në një film që nga thrilleri “Breakout” në vitin 2013. Ai u bë i famshëm kur u përfshi në filmat e preferuar të fëmijëve “George of the Jungle” dhe “The Mummy”.
Së fundmi teksa ishte i pranishëm në sallën e premierës së filmit të tij të ri “The Whale” në Londër, Fraser shpërtheu në lot. Ky moment emocionues i aktorit erdhi pas një beteje të gjatë të tij me depresionin. Brendan pohoi se kjo iu shkaktua që në momentin pasi ai u ‘sulmua seksualisht’ nga ish-presidenti i Shoqatës së Shtypit të Huaj të Hollivudit, Philip Berk, në vitin 2003.