Lori Harvey është pyetur gjatë intervistës së saj të fundit duke qartësuar keqkuptimet më të mëdha rreth jetës së saj dhe jo vetëm. Adrienne Bailon, gazetare për portalin “E!” e ka pyetur atë për të na zbuluar më shumë rreth saj dhe për të sqaruar disa nga thashethemet nëpër rrjetet sociale. Ajo është shprehur:
Është shumë qesharake, sepse jam kaq e heshtur, ka pasur kaq shumë histori që janë sajuar për mua. Kam parë histori për mua ku ndërkohë që kam qenë plotësisht e dashuruar me dikë, ata kanë shtuar se unë shkoj me djalin e tij. Ndërkohë unë nuk e kam takuar asnjëherë më parë.
Me anë të kësaj deklarate, Lori iu referua thashethemeve se ajo ishte takuar me Sean “Diddy” Combs dhe djalin e tij Justin Dior Combs, siç u raportua fillimisht nga People:
Kam dëgjuar që jam takuar me një baba dhe të birin e tij më parë. Absolutisht nuk është e vërtetë.
Ajo vazhdoi duke thënë se në përgjithësi ka pasur “shumë histori” dhe “shumë keqkuptime” rreth saj, por ajo përpiqet të ndjekë këshillat e babait të saj, Steve Harvey, i cili thotë se duhet të kujtoni vlerën tuaj gjithmonë. Që, në rast se po pyesni veten, do të thotë të mos kompromentoni vlerat e tua, lumturinë tuaj, paqen tuaj, të mos kënaqeni me më pak se sa meritoni dhe të mos keni frikë të largoheni nga një situatë nëse nuk më shërben më.
Të premten, modelja publikoi në Instagram Story një imazh të saj duke buzëqeshur ëmbël, ndërsa merrte një puthje nga aktori Damson Idris. “Gëzuar ditëlindjen Nunu”, ka shkruar Idris në imazh, me Lori-n që ka ndarë foton romantike në llogarinë e saj në rrjetet sociale. Dyshja e zyrtarizuan lidhjen e tyre pasi u panë së bashku gjatë një nate në Los Angeles në dhjetor.
