Aktori i njohur Jamie Foxx u dërgua së fundmi në spital për arsye shëndetësore. Këtë zbuloi vajza e tij Corinne Foxx. Në një deklaratë nga familja e tij shpjegohej se aktori kishte pësuar një komplikacion që i duhej të shkonte mënjeherë në spital. 55-vjeçari ishte duke xhiruar për filmin “Back In Action” në Atlanta.
Ndërkaq, së fundmi ka ardhur edhe reagimi i vetë aktorit. Fituesi i “Oscar”, bëri një postim në Instagram duke shkruar:
Vlerësoj të gjithë dashurinë. Ndjehem i bekuar!
View this post on Instagram
Vajza e tij Corinne shkroi gjithashtu në Instagram për të falënderuar për mbështetjen që iu dha atij teksa ndante postimin e babait të saj:
Faleminderit për dashurinë!
Menjëherë pasi aktori u shtrua në spital, familja tha në një deklaratë se Foxx ishte ‘në rrugën e tij drejt rimëkëmbjes’, megjithëse ata nuk zbuluan se çfarë problemi mjekësor pësoi. DailyMail kontaktoi përfaqësuesit për media të aktorit dhe nuk mori një përgjigje. Foxx ka qenë së fundmi në Atlanta, Georgia, ku ka qenë duke xhiruar filmin e ri të zhanrit aksion/komedi “Back In Action”.
Në fotot e siguruara nga Page Six, Foxx dhe Cameron Diaz u fotografuan në fshatin anglez për realizimin e filmit komedi aksion të regjisorit Seth Gordon. Pavarësisht dramës në xhirime, Foxx dhe Diaz thuhet se nuk kanë pasur kurrë ndonjë problem me njëri-tjetrin. Foxx luajti një rol të madh në bindjen e Diaz për t’u kthyer në film.
Foxx është një nga aktorët më të njohur të shekullit të 21-të, duke luajtur në filma klasikë si “Django Unchained” dhe “Any Given Sunday”, megjithatë jeta personale e 53-vjeçarit është shumë më tepër se mister. Foxx nuk është martuar kurrë dhe ai beson se lloji i stilit të jetesës tradicionale që vjen me martesën nuk është për të.
