Polemika në Greqi për arrestimin të premten në Athinë të shqiptarit Armiol Rrasa pasi në makinë iu gjetën të fshehura 1 pistoletë dhe dy kallëpe tritoli. Skeda penale e 39 vjeçarit nga Divjaka është e mbushur me arrestime në vendin fqinj dhe mediat greke shtrojnë pyetje për pjesën se si ka mundur të lirohet disa herë, madje në kohë rekord edhe pse i dënuar me burgim të përjetshëm.
I njohur shkurt me emrin Ari, dy ditë më parë u ndalua bashkë me partneren, me të cilën udhëtonte në makinën fuoristradë të blerë me leasing e ku ishin fshehur armët e kapura nga policia greke. Ndër të tjera është akuzuar edhe për përdhunimin e një të miture në Greqi.
Precedentët e tij:
09.04.2003 – arrestuar për tentativë vjedhjeje dhe shkelje të ligjit mbi të huajt
04.07.2005 – arrestuar për shkelje të ligjit mbi të huajt.
04.11.2007 – arrestuar dhe dëbuar
10.11.2008 – arrestuar për drogë dhe dënuar me burgim të përjetshëm
31.07.2015 – liruar nga psikiatria e të dënuarve në burgu i Koridhalosit me urdhër dëbimi të përjetshëm nga Greqia
23.02.2016 – arrestuar për shkelje të kufizimeve të qëndrimit
25.07.2020 – arrestuar si i kërkuar me dënim për vjedhje
17.01.2021 – arrestuar si i kërkuar me dënim për falsifikim
31.07.2021 – arrestuar si i kërkuar me dënim për shkelje të kufizimeve të qëndrimit
25.11.2021 – arrestuar për mbajtje pa leje të armëve (iu gjet një thikë që palosej)
06.03.2024 – iu ngrit akuzë për dhunë në familje
04.06.2024 – iu ngrit akuzë për përdhunimin e një të miture.
06.07.2024 – u arrestua për shkelje të rregullave të qarkullimit rrugor
Armiol Rrasa rezulton me precedentë penalë edhe në Shqipëri./Top Channel
