Një përdoruese e TikTok zbuloi një veçori interesante që e bën Google Maps edhe më të dobishëm, pasi përdoruesit mund të marrin mijëra informacione menjëherë. Ky “hakim” do t’ju zbulojë me një lëvizje të thjeshtë se cilat institucione ndodhen pranë jush. Zakonisht, kur ruani një vendndodhje si një restorant, do të shihni vlerësimin e tij me yje etj. Megjithatë, nëse ruani një vendndodhje si pjesë e një liste, mund të përdorni gjithashtu një emoji si ikonë.
Në shembullin e dhënë nga kjo tiktok-ere, është një restorant me ushqim deti dhe kur e ruani në listën e quajtur “fruta deti”, mund të përdorni ikonën e peshkut. Në atë rast, do të shfaqet në hartë me ikonën e peshkut, si gjithë të tjerët nga lista. Natyrisht, e gjithë kjo kërkon pak kohë, por jua bën jetën shumë më të lehtë, sidomos kur e gjeni veten në një vend që nuk e njihni shumë mirë dhe dëshironi të vizitoni sa më shumë vende.
Platforma e navigimit e Apple është rishikuar nga themeli me synimin për ta bërë atë të ngjashme me Google Maps. Ndërsa Apple Maps është aktualisht i disponueshëm vetëm në pajisjet Apple, ekipi në Cupertino gjithashtu dëshiron që aplikacioni të jetë në dispozicion për shoferët dhe udhëtarët që përdorin pajisje që nuk janë bërë nga Apple.
Për shembull, Apple Maps tani është i disponueshëm në versionin Beta në internet për t’u përdorur nga shfletuesit e Microsoft Edge dhe Google Chrome nga ata që përdorin një kompjuter Windows. Apple madje mund të ketë plane për të zhvilluar një aplikacion Apple Maps për Android, shkruajnë mediat e huaja. Keni lëvizur diku jashtë vendit dhe interneti juaj nuk po funksionon?
Në këto situata, mund të shkarkoni Google Maps për përdorim jashtë linje dhe të merrni udhëzimet e duhura. Për të qenë të drejtë, nuk do të merrni të dhëna të sakta kur bëhet fjalë për shëtitje në këmbë, tranzit ose udhëtime me biçikletë, por do të merrni udhëzime jashtë linje. Duhet të keni parasysh gjithashtu se hartat që shkarkoni do të skadojnë në një moment, pasi Google i përditëson rregullisht ato për të qenë sa më të sakta.
