Një ngjarje e rëndë ka ndodhur mbrëmjen e sotme në Ferizaj të Kosovës, ku një person ka plagosur me thikë katër qytetarë kalimtarë të rastit.
Korrespondentja e Top Channel në Kosovë, Leonita Bajrami bën me dije se të plagosur rëndë kanë mbetur dy 18-vjeçare dhe dy djem të moshave 29 dhe 32-vjeçare.
Këto janë pamjet nga momenti i sulmit me thikë nga një 59-vjeçar drejt dy të rejave në Ferizaj të Kosovës.
Në pamje shihet momenti kur dy 18-vjeçaret janë duke ecur në rrugë, ndërsa autori u shkon nga pas dhe i qëllon me thikë.
Ende nuk dihen arsyet e këtij sulmi të rëndë, ndërsa thuhet se dy prej të plagosurve janë nisur drejt Prishtinës, pasi gjendja shëndetësore e tyre është kritike.
Ndërkohë policia ka arrestuar autorin 59-vjeçar dhe po punon për sqarimin e plotë të ngjarjes.
Top Channel
