Siç e kemi parë më parë në shumë pasarela të stilistëve gjatë dhjetë viteve të fundit, ky trend është këtu për të qëndruar. Këtë vit na jep një atmosferë luksoze, na kujton vitet 1980 dhe shton një prekje emocionuese dhe mbresëlënëse në stilin e grave.
Ideja që veshjet metalike, në këtë rast argjendi, vishen vetëm në raste të veçanta, si për shembull natën e Vitit të Ri, rezulton e gabuar pasi tashmë mund të përqafojmë vajzën tonë të brendshme të diskos për të gjitha orët e ditës. Nëse veshja e argjendtë ju duket e rrezikshme, është koha të ndryshoni mendje dhe të bëni hapin e parë duke vendosur ngjyrën e argjendtë në jetën tuaj të përditshme. Ju mund të kombinoni një copë argjendi individuale me xhinse dhe të krijoni një ndryshim në stilin tuaj.
Për të arritur pamjen ideale dhe për ta bërë çdo veshje një kulm, duhet të keni parasysh se më pak është më shumë në këtë trend. Është më mirë të mos kombinoni copat e argjendta me stile të tjera jashtëzakonisht tërheqëse si neon apo printe kafshësh. Gjithashtu, duke qenë se artikulli prej argjendi tërheq shumë vëmendje, do të ishte më mirë të fokusoheshim tek cilësia e tij. Zgjedhja e bizhuterive të duhura për veshjen është gjithashtu e rëndësishme, duhet të zgjidhni pjesë të veçanta me ngjyra të përshtatshme.
View this post on Instagram
Duket se Kiara Tito është një fanse e veshjeve të argjendta, teksa bukuroshja është parë disa herë me fustane apo detaje të argjendta. Kiara duket se di mjaft mirë ta kombinojë këtë detaj, teksa zgjedh ta shoqërojë me të zezën, duke arritur kështu perfeksionin!
