Jo çdo gjë që shikoni në rrjetet sociale është e vërtetë dhe këtë tashmë ju e keni kuptuar. Por një çift fitnesi ka dashur që këtë t’ua vërtetojë përmes disa postimeve në “Instagram”.
Georgina Cox dhe bashkëshorti i saj, Steven Cox, herë pas here krijojnë video apo foto të përbashkëta për rrjetet sociale. 33-vjeçarja nga Middlesbrough, e cila është një trajnere personale, ka zbuluar se ka qenë në ‘luftë me trupin e saj për një kohë të gjatë’.
Në postimet e saj, e reja fokusohet në promovimin për të dashur trupin ashtu siç është. Për këtë arsye, ajo së bashku me 34-vjeçarin vendosën që të krijonin një postim ‘të rremë’ të transformimit të trupit, për t’u treguar ndjekësve të tyre se jeta nuk është gjithmonë ashtu siç duket në internet.
![](https://www.topalbaniaradio.com/v7/wp-content/uploads/2024/07/georgina-cox-1-450x720-1.png)
![](https://www.topalbaniaradio.com/v7/wp-content/uploads/2024/07/georgina-cox-2-476x720-1.png)
Postimi në fjalë përfundoi duke bërë xhiron në rrjet, duke arritur miliona shikime dhe mijëra komente. Këndet, ndriçimi dhe veshja e duhur, bëjnë një ndryshim të madh kur bëhet fjalë për mënyrën se si dukeni në foto.