Së fundmi, ‘Sensor Tower’ ka publikuar raportin e “Q1 2022: Store Intelligence Data Digest”, ku TikTok renditet aplikacioni më i shkarkuar në botë në tremujorin e parë 2022. Numri i shkarkimeve të aplikacionit kapërcen shifrën 3.5 miliardë të të gjithë kohërave në tremujorin e parë 2021, duke u bërë aplikacioni i pestë që arrin këtë moment historik. Që nga fillimi i vitit 2022, TikTok është shkarkuar më shumë se 175 milionë herë.
Numri i shkarkimeve të TikTok kapërcen shifrën 10 milion në nëntë tremujorët e fundit, ndërsa YouTube ka tejkaluar të njëjtin prag për tetë tremujorë me radhë. Asnjë aplikacion nuk është shkarkuar aq sa TikTok që nga fillimi i vitit 2018, kur WhatsApp u shkarkua 250 milionë herë në të gjithë botën, sipas raportit.
Aplikacioni i rrjeteve sociale TikTok është dominues për tendencat, algoritmin unik dhe një grup të larmishëm komunitetesh për çdo temë të veçantë. Nëse krahasohen shkarkimet në botë në iPhone dhe iPad, renditja e pesë aplikacioneve të para mbetet e pandryshuar në tre tremujorët e fundit. Numri i shkarkimeve të TikTok në AppStore kapërcen shifrën 70 milion për herë të tretë në T1 2022, i udhëhequr nga rritja 11% nga tremujori në tremujor në Azi.
Pavarësisht se është i ndaluar në Indi, që ka një nga tregjet më të mëdha për instalimin e aplikacioneve në botë, aplikacioni renditet i treti në Azi. TikTok renditej i pari në App Store por në vend të shtatë në Google Play në Azi. Duke parë shkarkimet e përgjithshme në SHBA, TikTok ishte aplikacioni më i mirë çdo tremujor që nga tremujori i parë 2021. I vetmi aplikacion që ka mundur TikTok është Zoom, në tremujorin e katërt 2020. Ndër të tjera, nga tremujori i parë 2021, TikTok dhe YouTube ishin dy aplikacionet e para në App Store në SHBA çdo tremujor.
TikTok renditej aplikacioni i parë edhe në Google Play, për tremujorin e tretë radhazi, me numrin e instalimeve në rritje me 19% krahasuar me një vit më parë. Të njëjtat pesë aplikacione renditeshin të parat në Europë për secilin nga katër tremujorët e fundit. TikTok e WhatsApp ishin dy të parat, ndërsa Instagram ra me një pozicion krahasuar me tremujorin e fundit, në vend të katërt. Edhe pse WhatsApp ishte aplikacioni i parë në App Store në Europë për secilin nga shtatë tremujorët e fundit, TikTok ruajti kryesimin në Google Play në të njëjtën periudhë. Këto vlerësime të ‘Sensor Tower’ përfshijnë shkarkimet në gjithë botën për iPhone, iPad dhe Google Play nga 1 janari deri më 31 mars 2022.
