Apple është gati të prezantojë iPhone-in e saj më të ri në shtator dhe ekspertët e industrisë po japin të dhëna rreth këtij produkti. Sipas mediave të huaja, iPhone 16 nuk është ende në treg, por Apple Intelligence hyrja e kompanisë në garën e armatimeve të inteligjencës artificiale ka të ngjarë të jetë pjesa qendrore e lançimit kundrejt çdo ndryshimi të madh harduerik.
Bloomberg raportoi se Apple Intelligence do të ishte falas në fillim, por opsionet e abonimit mund të bëhen të disponueshme për ata që duan më shumë “kapacitete AI” në pajisjen e tyre. Një nga rregullimet e tjera do të jetë tek asistenti virtual Siri, i cili duhet të bëhet edhe më i zgjuar me iOS 18 falë Apple Intelligence dhe partneritetit OpenAI të kompanisë.
Vitin e kaluar Apple lançoi iPhone 15 dhe iPhone 15 Plus me çipin A16 Bionic dhe iPhone 15 Pro dhe iPhone 15 Pro Max me A17 Pro, duke prezantuar edhe më shumë diferencim midis modeleve Pro dhe jo Pro. Kjo nuk u prit shumë mirë. Lajmi i mirë është se duket se Apple nuk do të bëjë të njëjtën gjë këtë vit.
Kjo për faktin se sipas informavioneve, të katër modelet e iPhone 16 do të mundësohen nga një çip A18. Vlerësohet se do të kishte kuptim që të katër modelet e iPhone 16 dhe një iPhone SE e ardhshme të kenë të njëjtin çip A18 për shkak të veçorive të Apple Intelligence të vendosura për të debutuar në iOS 18.
Apple Intelligence kërkon një çip me fuqi të lartë që funksionet e AI të funksionojnë. Në këtë kohë, vetëm iPhone 15 Pro dhe Pro Max janë në gjendje të përdorin Apple Intelligence dhe Apple ka të ngjarë të sigurohet që të gjitha pajisjet e ardhshme të kenë fuqinë e nevojshme për mësimin e makinerive dhe detyrat e inteligjencës artificiale.
