Këngëtari i njohur The Weeknd do të luajë së shpejti në filmin e tij ende të paidentifikuar, të cilin ai e shkroi krahas Reza Fahim dhe Trey Edward Shults. I lindur me emrin Abel Tesfaye, artisti ka rekrutuar disa persona të Hollivudit për ta ndihmuar atë të realizojë projektin. E nominuara për Golden Globe dhe SAG Award, Jenna Ortega do të luajë së bashku me The Weeknd dhe ajo do të shërbejë gjithashtu si producente ekzekutive.
Filmi është aktualisht në prodhim në Los Angeles. Kastit i është bashkuar edhe kandidati për çmimin Oscar, Barry Keoghan. Chayse Irvin është drejtoresha e fotografisë dhe Daniel Lopatin do të shënojë filmin së bashku me The Weeknd. Për sa i përket serialit televiziv, ET konfirmoi në vitin 2021 se The Weeknd do të luante, prodhonte dhe bashkë-shkruante dramën e planifikuar të transmetohej në HBO.
Seriali do të ndjekë një këngëtare pop (Lily-Rose Depp) e cila fillon një romancë me një pronar klubi L.A., i cili është udhëheqës i një kulti sekret. Përveç Depp dhe The Weeknd, në serial do të luajnë edhe Troye Sivan, Suzanna Son dhe Steve Zissis. BLACKPINK’S Jennie shfaqet gjithashtu në një nga trailerat.
Rikujtojmë, se The Weeknd i ndodhi e papritura në koncert para disa muajve. Ai humbi zërin e tij gjatë kohës që ishte në mes të performancës së koncertit të tij të dytë në stadiumin “SoFi” në Inglewood, Kaliforni. Artisti e ndërpreu koncertin papritmas, duke i informuar fansat se nuk do të mund të vazhdonte me pjesën tjetër të mbrëmjes. 33-vjeçari u prit me ovacione të forta nga arena e mbushur plot me 70,000 njerëz, teksa kërkoi falje në skenë për sëmundjen e papritur.
