Falë klimës së butë gjatë gjithë vitit dhe diellit të vazhdueshëm, Karaibet mbeten një vend i bukur dhe ideal për pushime. Megjithatë, Karaibet po bëhen gjithnjë e më të shtrenjta për shkak të kërkesës dhe rritjes së turizmit, sipas një artikulli të botuar në revistën “The Travel”.
Pasi vizitova disa ishuj të ndryshëm të Karaibeve, për mua, asgjë nuk krahasohet me Ballkanin. Ballkani ofron pushime të përballueshme, plazhe më të qeta e më shumë diversitet sa i përket natyrës, si dhe vijës bregdetare.
Ndërsa vendet tropikale mbeten ideale për pushime, Ballkani ofron pika bregdetare më të përballueshme, si dhe një histori tërheqëse.
Unë kam shijuar shumë nga plazhet e Shqipërisë. Shumë pika turistike ballkanike ofrojnë gjithashtu mot të mirë në fund të pranverës dhe në fillim të vjeshtës, duke i bërë ato destinacionet ideale të sezonit.
Plazhet e Ksamilit dhe Dhërmiut janë ndër vendet e mia të preferuara për të udhëtuar në Ballkan, të cilat ju japin ndjesinë sikur ndodheni në Karaibe.
Plazhi i Ksamilit, Shqipëri
Plazhi i Ksamilit është ideal për këdo që kërkon një atmosferë tropikale në Ballkan. Ky është plazhi im i preferuar në jug të Shqipërisë. Në vizitën time të fundit në vendin e bukur ballkanik, qëndrova në Sarandë për disa ditë dhe Ksamili më tërhoqi më shumë mes të gjitha pikave turistike pasi ishte më i qetë e më piktoresk se të tjerët.
Me skajet e saj të lakuara dhe ujërat mahnitëse, të jepte ndjesinë sikur ishe në Gjirin Rendevous në Antigua.
Madje, unë rekomandoj të vizitoni jugun e Shqipërisë në vend të Greqisë nëse dëshironi të përjetoni atmosferën e Ballkanit njësoj si në ishujt Karaibe, në një mjedis më të qetë.
Shumë restorante rrethojnë plazhin, kështu që nuk keni nevojë të shkoni larg për të ngrënë. Gjithashtu ju mund të beni aktivitete të ndryshme si zhytje, vozitje apo ecje. Shqipëria është aq e bukur sa do të mendoni sikur ndodheni në Karaibe.
Plazhi i Dhërmiut, Shqipëri
Plazhi i Dhërmiut është surpriza më e papritur pas një vizite në Parkun Kombëtar të Llogorasë. Dhërmiun e zbulova pasi vizitova Parkun Kombëtar të Llogorasë, që ndodhet në juglindje të qytetit të Vlorës, në kufirin hapësinor midis deteve Adriatik e Jon.
Kalova disa orë në parkun kombëtar dhe disa vendas më rekomanduan disa plazhe e restorante të zonës. Rekomandimi i tyre i parë ishte plazhi i Dhërmiut, një vend ekzotik me rërë të butë e ujëra të pastra kristal, të cilin ata e përshkruan si më të mirin në vend.
Pas një udhëtimi mahnitës 20-minutësh në jug, zbulova plazhin më të bukur larg plazheve jugore. Plazhi i Dhërmiut është pak më i populluar, pasi është më i miri në zonë. Eshtë një vend i shkëlqyer për not dhe zhytje, ndaj sigurohuni që të përgatiteni për disa orë duke eksploruar ujërat e kristalta për të parë lloje të ndryshme peshqish, koralesh e iriqësh deti. Atmosfera dhe peizazhi janë te ngjashme si disa nga ishujt e Karaibeve; Saint Lucia dhe Barbados.
