Tradhtia e supozuar e Gerard Pique ndaj partneres së tij prej vitesh dhe njëkohësisht sensacionit të popit Shakira nuk ka ndodhur me të ëmën e shokut të skuadrës së Barcelonës, Gavi, pavarësisht akuzave në mediat sociale.
Spekulimet qarkulluan gjatë kësaj jave se Pique dhe ikona e popit Shakira janë në prag të ndarjes pasi mbrojtësi i Barcelonës u kap në shtrat me një grua tjetër. Por sipas një llogarie troll në Twitter ditën e enjte këto thashetheme vazhduan duke pretenduar se gruaja me të cilën ka tradhtuar ishte e ëma e yllit 17-vjeçar të Barelonës, Gavi.
Thashethemet u përhapën shpejt deri në pikën ku u bënë virale në gjithë mediat sociale, por sipas gazetës spanjolle El Periodico, i cili u pretendua si burimi i historisë, i ka hedhur së fundmi poshtë me vendosmëri pretendimet.
El Periodico saktësoi se gruaja në fjalë ishte në fakt rreth të 20-ave dhe bionde. Kjo përjashton nënën brune të Gavi, e cila besohet të quhet Gavinin Anasi.
Raporti pretendonte: “Gruaja që mund t’i kishte vënë Piqué dhe Shakira në prag të ndarjes është një bjonde e re në të 20-at. Ajo po studion dhe punon si mikpritëse eventesh.”
Kjo vjen pasi mediat spanjolle pretenduan se çifti kanë jetuar veçmas për disa javë pasi Pique u dëbua nga shtëpia e familjes nga sensacioni kolumbian i popit. Raporti i El Periodico pretendon se qendërmbrojtësi tani po qëndron në një dhomë dhe ka jetuar një “mënyrë jetese festive” që nga ndarja.
Raporte të mëtejshme thonë se Pique ka frekuentuar klubet e natës me shokun e skuadrës Riqui Puig dhe grupin e tij të miqve, shpesh duke u kthyer në shtëpi deri në dy ose tre të mëngjesit.
Ndërkohë që asnjëra palë nuk i ka adresuar këto pretendime, raporti thotë se ata kanë besim se çifti do të ndahet. Gazetarja në fjalë, duke folur gjatë një transmetimi të drejtpërdrejtë video në fillim të kësaj jave, tha: “(Shakira) ka marrë vendimin për t’u ndarë. Kështu është. Ka ndodhur. Kjo është arsyeja pse ka distancë. Ndoshta nuk ka mbetur asgjë, por se (pabesia) ka kaluar.”
