Pranvera, në veçanti, priret të jetë një kohë pjellore për industrinë e modës. Këtë vit, ngjyrat, përzierjet dhe zbukurimet inovative apo të pazakonta janë disa nga stilet më të mira për t’u shfaqur. Ne ju prezantojmë me tendencat më të mira të sezonit nga MR PORTER:
1.Veshje sipas gjendjes emocionale
Hedi Slimane është i njohur për kostumet e tij të holla. Xhinse të gjera, T-shirt me rrjetë të madhe? Jelek lëkure? Po, sigurisht. Ne po përqafojmë një qasje maksimaliste ndaj këtij trendi duke zgjedhur forma për pjesën e sipërme dhe të poshtme që janë tepër të gjera dhe të mëdha. Harrojeni atë që mendonit se dinit për ekuilibrin dhe proporcionin. Ky trend i gjithçkaje të madhe ka të bëjë me qëndrimin.
2.Stili i viteve 1990
E mbani mend kur miqtë në ‘Friends’ mbanin jelek me triko? I mbani mend xhaketat e gjithanshme që mbanin artistët hip-hop të së njëjtës periudhë? Marka e re e MR PORTER, Wales Bonner është përgjegjëse si për jelekun e thurur ashtu edhe për xhaketën e zbukuruar me grepa. Ata janë bërë fjalë për fjalë për njëri-tjetrin. Shtoni syzet e Buddy Holly dhe jeni gati.
3. Ngjyrat e ylberit
Ngjyrat e ndezura janë ato që na duhen për pranverën dhe verën. Nuancat e lejlas, siç shihet në këtë kapuç Balenciaga të dekonstruktuar me mjeshtëri, është padyshim trend-i i momentit. Truku është të zgjidhni ngjyrat e së njëjtës kategori.
4.Bizhuteritë
Dy vitet e fundit bizhuteritë janë më në modë se kurrë. Dikur mjaftonte një unazë ose një zinxhir i vetëm, ndoshta, por tani është rasti që sa më shumë të vendosni aq më mirë do të dukeni. Unaza të ngarkuara, vathë ‘punky’ dhe gjerdan të gjatë ju lejojnë të shprehni stilin tuaj në një mënyrë të re. Bizhuteritë janë, në fund të fundit, diçka që vishni sipër rrobave në trupin tuaj, kështu që mendoni për të thjesht si një mundësi tjetër për t’u bërë kreativ.
5.Veshjet e punës
Rrobat e punës evoluojnë, nuk janë më ato standardet, shihni foton më poshtë dhe na besoni. Trend-i i ri anon më shumë nga stili sesa nga substanca. Kërkoni shembujt më të mirë nga markat japoneze visvim, Undercover dhe Sacai, por Departamenti i Gallerisë me bazë në Los Angeles po nxjerr disa gjëra të bukura.
6.Netët sportive
Pamja e re e frymëzuar nga stili i djemve të shkollave të mesme është ajo që ju duhet të shihni. Hoodie, xhaketë të gjerë sipër saj, pantallona të lirshme, një palë atlete, një kapele dhe ja ku jeni, më gati se kurrë për të shkëlqyer.
7.Aksesorë
Zinxhirët ku nuk nevojiten zinxhirë, rripa rreth gjoksit, kapëse dhe karfica. Mendojini si stoli për rrobat tuaja. Mos harroni, janë trend-i i këtij sezoni dhe nuk i bëni askujt dëm nëse i provoni.
8.’Nerd core’
Xhaketa oversize, këmisha me kopsa e kombinuar me sandale janë të gjitha pamjet që ju nevojiten. Bottega Veneta, Craig Green dhe Jil Sander, ndër të tjera, mund t’ju bindin që të përqafoni këtë stil. Është një stil që të famshëm si Tyler, the Creator e kanë përqafuar.
