Bzigo Iris, një detektor inteligjent mushkonjash po e çon luftën kundër këtyre insekteve të bezdisshme në një nivel krejtësisht të ri. Si funksionon detektori i mushkonjave? Bzigo Iris është si të kesh një “gjuetar mushkonjash të teknologjisë së lartë” në shtëpinë tënde.
Ai peshon rreth 300 gramë dhe përdor vizionin dhe algoritmet e inteligjencës artificiale për të zbuluar, gjurmuar dhe synuar mushkonjat. Kjo pajisje funksionon edhe në errësirë të plotë, falë LED-ve të saj infra të kuqe. Brigo Iris është projektuar për të punuar më mirë në dhomat e gjumit, duke e bërë atë ideal për të siguruar një gjumë të qetë të natës.
Kur një mushkonjë pickon, ajo shpon lëkurën dhe me një pjesë të gjatë të buzës thith gjak. Me këtë organ që duket si gjemb, por në fakt është nofull, mushkonja gjen enën e gjakut të “viktimës”. Në vendin e pickimit, mushkonja injekton pështymën e saj, e cila përmban antikoagulantë që parandalojnë mpiksjen e gjakut. Në këtë mënyrë është më e lehtë për të që ta thithë atë.
Mushkonjat mund të transmetojnë sëmundje të tilla si malaria, ethet e verdha, virusi i Nilit Perëndimor. Te disa njerëz, pickimet e shumta mund të shkaktojnë një reaksion alergjik më intensiv. Më pas ndodhin ënjtje më të mëdha, madje rreth pickimit krijohen edhe flluska. Në raste të rralla, ndodh edhe një reaksion sistemik, si dhimbje koke, ngritje temperature ose ënjtje e gjëndrave tiroide. Është shumë e rëndësishme të zbatohen të gjitha masat për mbrojtjen nga mushkonjat.
Një studim i ri i publikuar në PNAS identifikon për herë të parë hormonin përgjegjës për etjen për gjak të mushkonjave. Njohja e tij mund të na ndihmojë për të na mbrojtur nga sëmundjet e transmetueshme të tyre, që janë përgjegjëse për numrin e madh të viktimave njerëzore çdo vit. Kur vjen koha e riprodhimit, femrat kërkojnë gjak, i cili u jep energjinë e nevojshme për të zhvilluar vezët e tyre. Pasi ushqehen, ata ndalojnë thithjen deri pas shtrimit; kur vezët janë në vend, oreksi kthehet.
