Java ka nisur sërish me zhvillime të reja në Për’puthen, ku këtë herë ka prekur çiftin më të ri, Andi dhe Tea.
Këtë herë bëhet fjalë vetëm për Tean, e cila për shkak të vonesave të herëpashershme, produksioni i Për’puthen e ka pezulluar nga emisioni.
Komunikimi është bërë nga moderatorja e emisionit, Bora Zemani, e cila është shprehur se për shkak të vonesave të përsëritura herë pas here, është vendosur një masë disiplinuese.
Ky vendim është përkrahur edhe nga opionisti i emisionit gjatë javës, Arian Konomi, i cili shprehur se fama e menjëhershme e të rinjve krejt nga hiçi ka ndikuar që disa të humbasin përgjegjshmërinë.
Nga ana tjetër, edhe Ana e ka mbështetur vendimin e produksionit, duke u shprehur se vonesa e Teas është mungesë respekti ndaj produksionit dhe konkurrentëve të tjerë.
Kujtojmë se kjo nuk është hera e parë që ndodh diçka e tillë, pasi edhe Fjorela u pezullua pak muaj më parë për t’u rikthyer një javë më vonë.
