Disa njerëz nuk i durojnë dot aromat e forta sepse mund t’ju shkaktojnë atyre të përziera. Kjo ndjeshmëri e lartë ndaj aromave njihet si hiperosmi. Mund të ndodhë vazhdimisht ose gjatë periudhave të caktuara kohore. Ka shumë arsye pse mund t’ju ndodhë kjo gjendje. Disa përfshijnë gjenetikën, ndryshimet hormonale dhe migrenën. Nëse keni hiperosmi, mund të ndikohet edhe shija juaj. Shija dhe aroma janë të lidhura nga sistemi i nuhatjes. Rritja e ndjenjës së nuhatjes mund t’i bëjë shijet më intensive.
Zona e nuhatjes, e vendosur në hundë, është vendi ku aroma udhëton përpara se të kalojë në fyt. Kjo është arsyeja pse era dhe shija juaj preken të dyja. Kur ndjeni aroma të forta që krijojnë një shije në fyt, mund të filloni të ndieni të përziera. Hiperosmia është një gjendje e rrallë që mund të jetë e vështirë për t’u diagnostikuar. Shumica e rasteve mbështeten në raportimin e asaj që po përjetoni.
Shkaqet e zakonshme të hiperosmisë përfshijnë shtatzëninë, migrenën, kushtet neurologjike dhe sëmundjet autoimune. Hiperosmia nuk konsiderohet si sëmundje, por nëse bëhet shqetësuese duhet të kontaktoni me një specialist të veshit, hundës dhe fytit për të përcaktuar llojin e duhur të trajtimit.
Nuhatja është një shqisë ndryshe nga të tjerat, e nënvlerësuar po aq sa shija mbivlerësohet. “Rreth 80% e shijeve që ne mendojmë se perceptojmë me anë të shqisës së të shijuarit, në fakt vijnë tek ne falë nuhatjes’- shprehet Roberta Deiana, autore e ‘Harpercollins’.
Ndjesia e nuhatjes është e pakapshme dhe misterioze, pothuajse magjike dhe me dy superfuqi: e para është befasia, pra vjen kur nuk e pret, shfaqet papritur dhe prania e saj bëhet gjithëpërfshirëse; së dyti është emocion sepse çdo aromë që duam lidhet me një gjendje shpirtërore, një kujtim, një memorie, një përvojë emocionale.
