Së fundmi këngëtarja e njohur Adele i ka tronditur shikuesit në një klub nate të enjten mbrëma kur u zhvesh, hoqi xhaketën e saj dhe u ngjit në skenë për të kërcyer. Këngëtarja e hitit “I Drink Wine”, 33 vjeçe, kishte parë ngjarjen e “G-A-Y Porn Idol” në Heaven të Londrës përpara se të vendoste të përfshihej, duke hipur në skenë dhe duke bërë një vallëzim provokues.
Në momentin që ajo iu afrua tubit në skenë për të bërë vallëzimin provokues kërcimtarët e tjerë të skenës shikonin të tronditur, shkruan DailyMail. Adele, e cila është kthyer në shtëpi në Londër pas fitores së saj të trefishtë në Brit Awards 2022 të së martës, u xhirua nga të pranishmit në klubin e natës, kërcente e veshur me një kostum të bardhë.
Më herët gjatë mbrëmjes, ajo kishte bërë një performancë shumë të civilizuar kur u shfaq në emisionin “Graham Norton” e veshur me të njëjtin kostum, ku foli për suksesin e saj të madh në Brit Awards këtë javë. Pasi ndoqi shfaqjen nga këndi VIP i klubit të natës, Adele vendosi që të përfshihej edhe vetë në shfaqje, duke u ngritur në skenë për t’u afruar te tubi, ndërsa publiku i pranishëm brohoriste.
Kujtojmë gjithashtu se Adele falënderoi ish-bashkëshortin e saj Simon Konecki dhe djalin e tyre Angelo në një fjalim emocionues mbrëmjen e kaluar teksa mori çmimin e “Albumit të vitit” dhe “Artisten e vitit” në “BRIT Awards 2022”. Në fjalimin e saj ajo u shpreh:
Dua të falënderoj të gjithë me të cilët punoj, por dua t’ia dedikoj këtë djalit tim dhe Simon-it, babait të tij, ky album ishte i gjithë udhëtimi ynë, jo vetëm i imi. Jam shumë krenare për veten time që kam qëndruar pas armëve të mia dhe kam nxjerrë një album për diçka kaq personale, jo shumë njerëz bëjnë më gjëra të tilla. Dhe djali im ka qenë kaq i sjellshëm dhe i duruar me mua gjatë viteve të fundit, kështu që kjo është për të.
