Andrew Garfield ka zbuluar se ai qëndroi beqar dhe agjëroi për disa muaj për t’u përgatitur për rolin e tij si prift jezuit në filmin e vitit 2016 “Silence”. Aktori britanik u shfaq në podcastin “WTF With Marc Maron” të hënën për të promovuar serialin më të fundit “Under the Banner of Heaven”, në të cilin ai luan rolin e një detektivi.
Përveç diskutimit për serialin e ri, Garfield foli edhe për “Silence”, një film për dy priftërinj të rinj portugez, të cilët ndërmarrin një mision në Japoni në shekullin e 17-të. Ylli i “Spider-Man” tha se ai studioi katolicizmin me një prift jezuit, shkoi në një pushim shpirtëror 31-ditor dhe hoqi dorë nga seksi dhe ushqimi përpara se të xhironte filmin.
Unë qëndrova beqar për gjashtë muaj… dhe agjërova shumë. Kam pasur disa përvoja mjaft të egra, të pakëndshme nga mungesa e seksit dhe ushqimit për atë periudhë kohore.
Aktori i njohur, Andrew Garfield ka shprehur se ka nevojë për një pushim. 38-vjeçari tha së fundmi se ka në plan që të largohet nga aktrimi për një kohë të pacaktuar pas një viti me projekte të mëdha. Aktori u shfaq vitin e kaluar në filmin “Spider-Man: No Way Home ” dhe mori një nominim për ‘Oscar 2022’ për “ Tick, Tick… Boom!”
Ndërkaq, Andrew Garfield dhe e dashura e tij, Alyssa Miller, thuhet se janë ndarë vetëm një muaj pasi bënë debutimin e tyre në tapetin e kuq si çift. Një burim u shpreh për ‘The Sun Friday’ se ata ishin bashkë për një kohë të gjatë edhe para se të dilnin publikisht në tapetin e kuq, por oraret e punës kanë lënë të nënkuptohet se ka qenë vërtet e vështirë të shiheshin. Për më tepër, u bë e qartë se kishte disa dallime mes tyre dhe u vendos që ata janë më mirë të ndarë, të paktën tani për tani.
