Reese Witherspoon është shpallur nga Forbes si aktorja femër më e pasur në botë, që e ka arritur vetë suksesin e saj. Revista Forbes publikoi listën e grave më të pasura në Amerikë, në të cilën Reese Witherspoon zuri vendin e 59-të, mes Dolly Parton dhe Barbara Streisand. Me një vlerë neto në 440 milionë dollarë, 47-vjeçarja Witherspoon ka dëshmuar se është një biznesmene shumë e aftë gjatë viteve të fundit.
Në vitin 2016, ajo themeloi kompaninë mediatike Hello Sunshine, e cila ka prodhuar filma dhe shfaqje televizive të vlerësuara me çmime, duke përfshirë Gone Girl, Big Little Lies, Daisy & The Six Little Fires Everywhere. Në atë kohë, Reese ishte e frustruar me rolet që i vinin, kështu që ajo dhe producenti Bruno Papandrea vendosën të hapnin kompaninë e prodhimit “Pacific Standard”, tashmë një degë e “Hello Sunshine”. Asokohe ajo u shpreh:
Mendoj se ishte konkretisht e vetmja studio që kishte një projekt për një femër në rol kryesor mbi moshën 30-vjeçare. Mendova, duhet të bëhem serioze.
Në vitin 2021, aktorja shiti kompaninë “Hello Sunshine” tek një kompani mediatike e mbështetur nga Blackstone për 900 milionë dollarë.
Unë e themelova këtë kompani për të ndryshuar mënyrën se si gratë portretizohen në media. Gjatë viteve të fundit, ne kemi parë përparimin e misionit tonë përmes librave, TV, filmave dhe platformave sociale.
Aktorja ende zotëron rreth 18 përqind të kompanisë dhe përveç kësaj, ajo filloi një klub letrar, Reese’s Book Club, i cili ka fituar një reputacion për forcimin e karrierës së autoreve femra. Witherspoon është gjithashtu një nga aktoret më të paguara televizive, e cila, sipas Forbes, mori 1.2 milionë dollarë për aktrimin dhe prodhimin e çdo episodi të The Morning Show.
Sipas Celebrity Net Worth, Witherspoon fitoi zakonisht një minimum prej 15 milionë dollarësh për çdo film që ajo realizoi midis 2001 dhe 2012, me një total prej 250 milionë dollarësh fitime nga filmat. Edhe pse ende nuk dihet data e publikimit, është duke u përgatitur pjesa e tretë e filmit hit “Legally Blonde”, i cili mund ta shtyjë aktoren në një vend edhe më të mirë në listën e Forbes.
