Këngëtarja e njohur Taylor Swift u pa ditën e djeshme me turmat e tifozëve të Kansas City Chief në stadiumin Arrowhead duke festuar fitoren e madhe të partnerit të saj Travis Kelce kundër Cincinnati Bengals në natën e vitit të ri. Askush nuk e kishte menduar që Taylor Swift do ishte në tribunën e një stadiumi si një tifoze në natën e vitit të ri. Ndoshta as këngëtarja nuk e kishte çuar vetë nëpër mend diçka të tillë. Taylor Swift ishte duke brohoritur për Kelce dhe shokët e tij teksa siguruan një fitore 25-17 për të fituar titullin e kampionit të AFC West për të tetin vit radhazi. Ajo u pa teksa bënte tifo për të dashurin e saj në tribunat e stadiumit.
Rikujtojmë se lidhja e Taylor Swift me Travis Kelce ishte një romancë që bashkoi tifozët e sportit dhe muzikës. Transmetuesit e sportit llogaritën efektin e Swift-it në statistikat e lojës së Kelces dhe shikueshmërinë televizive, revistat kombëtare ofruan afate gjithëpërfshirëse të takimeve dhe fansat e Swift kërkuan postimet e vjetra të Kelces në mediat sociale për t’u siguruar që ai ishte i përshtatshëm për mbretëreshën e tyre. Në turneun në Buenos Aires, këngëtarja atëherë 33-vjeçare ndryshoi një tekst nga “Karma is the guy on the screen” në “Karma is the guy on the Chiefs”. Dhe fansat u çmendën kur ajo u hodh në krahët e Kelces për një puthje ikonike pas koncertit.
